پاکستان کے سابق و موجودہ کھلاڑیوں کی جانب سے سیمی فائنل جیتنے کی خوشی میں ردعمل سامنے آگیا ہے۔

سڈنی کرکٹ گراؤنڈ میں پاکستان اور نیوزی لینڈ کی ٹیموں کے درمیان ٹی ٹوئنٹی ورلڈ کپ کا پہلا سیمی فائنل میچ کھیلا گیا جس میں پاکستان نے 7 وکٹوں سے کامیابی اپنے نام کی۔

سیمی فائنل میں نیوزی لینڈ نے 152 رنز کا ہدف دیا جس کے تعاقب میں محمد رضوان اور بابر اعظم کی سنچری پارٹنر شپ کی بدولت گرین شرٹس نے فائنل تک رسائی حاصل کی۔

یہ بھی پڑھیں: ’جس جس نے توہین بابر کی تھی وہ معافی مانگیں‘

قومی ٹیم کی کارکردگی کو سراہتے ہوئے پاکستان کے موجودہ و سابق کھلاڑیوں نے قوم کو مبارکباد پیش کی ہیں۔

سوئنگ کے سلطان وسیم اکرم کا کہنا تھا کہ ’پاکستان ٹیم اور بالخصوص پاکستانیوں کو یہ کلینیکل جیت مبارک ہو، آئیے اب فائنل سے لطف اندوز ہوتے ہیں‘۔

Yay 😀 clinical performance congratulations 🥳 to team Pakistan 🇵🇰 and of course to all Pakistanis . Now let’s enjoy the finals . #PakvsNz #T20WorldCup2022

— Wasim Akram (@wasimakramlive) November 9, 2022

بوم بوم آفریدی نے لکھا کہ ’فائنل کی جانب قومی ٹیم روانہ، ہمارے لڑکوں نے کیویز کو تینوں شعبوں میں پیچھے چھوڑ دیا بالخصوص فیلڈنگ میں۔ بابر اعظم نے سامنے آکر ٹیم کی قیادت کی جس کی ضرروت تھی، سب پاکستانیوں کو مبارک ہو‘۔

Off to the FINAL! Our boys outclassed the Kiwis in all 3 departments sp in fielding! And Babar lead from the front we needed this! Mubarak to everyone 🇵🇰

— Shahid Afridi (@SAfridiOfficial) November 9, 2022

راولپنڈی ایکسپریس شعیب اختر کا اپنے ویڈیو میں کہنا تھا کہ ’بہت خوب پاکستان، سب سے زیادہ پاکستانی قوم کا شکریہ ادا کرنا چاہوں گا، جنہوں نے دعائیں کر کر کے پاکستانی ٹیم کو یہاں تک پہنچا دیا‘۔

Advertisement

What a performance. What a semi final. pic.twitter.com/2EMh0wxyty

— Shoaib Akhtar (@shoaib100mph) November 9, 2022

انہوں نے مزید کہا کہ ’اب مجھے یقین ہوگیا ہے کہ اس قوم کو کوئی نہیں توڑ سکتا کیونکہ اگر ہم اس قوم کا کردار اگر ٹیم سے دیکھیں تو پتا چلتا ہے کہ ہماری عادت ہے کم بیک کرنے کی‘۔

جیت کی خوشی میں آل راؤنڈر شعیب ملک کا کہنا تھا کہ ’شاہینوں کی جانب سے پاکستانی شائقین کو ’اقبال ڈے‘ کا تحفہ ملا ہے، اس جیت پر پوری قوم کو بہت بہت مبارک ہو۔ ہم انشااللہ ایک مرتبہ پھر ورلڈ چیمپئن بننے سے صرف ایک میچ کی دوری پر ہیں‘۔

https://twitter.com/realshoaibmalik/status/1590305109530923008