فیفا ورلڈ کپ میں سربیا کے خلاف میچ کے دوران برازیل کے اسٹار فٹبالر نیمار انجری کا شکار ہوگئے ہیں۔
میڈیا رپورٹس کے مطابق فیفا ورلڈ کپ میں سربیا کے خلاف لوسیل اسٹیڈیم میں کھیلے گئے میچ میں رازیل فٹبال ٹیم کے کپتان اور فارورڈ پلیئر نیمار کے ٹخنے میں موچ آگئی ہے۔
رپورٹس کے مطابق ڈاکٹروں نے کھیل کے فوراً بعد تصدیق کی کہ نیمار کے ٹخنے میں موچ آئی ہے تاہم ابھی یہ واضح نہیں ہے کہ انجری کے باعث وہ اگلا میچ کھیل سکیں گے یا نہیں۔
ڈاکٹر کا کہنا ہے کہ نیمارکی ایم آرآئی کا ابھی فیصلہ نہیں کیا ہے تاہم آئندہ چوبیس سے اڑتالیس گھنٹوں میں نیمار کی فٹنس کا جائزہ لیں گے۔
ڈاکٹر کا کہنا تھا کہ نیمار کا علاج شروع کردیا گیا ہے اور ہمیں پرسکون رہتے ہوئے صبر کرنا چاہیے، ابھی کہنا قبل از وقت ہوگا کہ نیمار کا ورلڈ کپ خطرے میں ہے۔
برازیل ٹیم کے مینجر ٹائٹ کا کہنا ہے کہ ’آپ لوگ فکر نہ کریں، نیمار ورلڈ کپ کھیلیں گے‘۔
واضح رہے کہ قطر فیفا ورلڈ کپ میں برازیل کا ابتدائی میچ سربیا سے ہوا جس میں انہوں نے 2-0 سے کامیابی اپنے نام کی۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News