بابر اور رضوان کی وجہ سے پاکستانی بیٹنگ میں مستقل مزاجی آئی، اے بی ڈی ویلیئرز

ویب ڈیسک

01st Nov, 2022. 11:09 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

بابر اور رضوان کی وجہ سے پاکستانی بیٹنگ میں مستقل مزاجی آئی، اے بی ڈی ویلیئرز

سابق جنوبی افریقی بیٹر اے بی ڈی ویلیئرز بابر اعظم کی حمایت میں سامنے آگئے ہیں۔

سابق جنوبی افریقی بیٹر اے بی ڈی ویلیئرز کا کہنا ہے کہ پاکستان کی بیٹنگ لائن ہمیشہ سے مشکلات کا شکار رہی ہے لیکن بابر اور رضوان کی وجہ سے پاکستان کی بیٹنگ لائن میں مستقل مزاجی آئی ہے۔

یہ بھی پڑھیں: گوتم گمبھیر نے بابر اعظم کو خود غرض کپتان قرار دے دیا

ان خیالات کا اظہار انہوں نے اپنے یوٹیوب چینل پر کیا جس میں بابر اعظم کی حمایت کرتے ہوئے ان کا کہنا تھا کہ بابر اعظم ایک بہترین کھلاڑی ہیں، جب میں نے پہلی بار انہیں کھیلتے ہوئے دیکھا تھا تو تب ہی میں کہہ دیا تھا کہ یہ لڑکا کھیل سکتا ہے۔

اے بی ڈی ویلیئرز کہتے ہیں کہ ٹیموں پر ہمیشہ ایسا مشکل وقت آتا ہے جب اس کے اہم کھلاڑی پرفارم نہیں کرپاتے لیکن بابر اعظم پاکستان کی کامیابیوں میں اہم اضافہ ہے۔

سابق جنوبی افریقی بیٹر کا کہنا تھا کہ باصلاحیت نوجوان کھلاڑیوں کا سامنے آنا حوصلہ افزا بات ہے۔

یہ بھی پڑھیں: بابر اعظم کس بولر کو چھکا لگانا چاہتے ہیں؟

واضح رہے کہ قومی ٹیم کے کپتان بابر اعظم کی حالیہ کچھ میچز میں خراب پرفارمنس رہی ہے جس پر انہیں کڑی تنقید کا نشانہ بھی بنایا گیا ہے۔

کئی سابقہ کھلاڑیوں نے بابر اعظم کی کپتانی پر بھی سوالات اٹھائے ہیں جب کہ کئی ایسے بھی سابقہ کھلاڑی ہیں، جنہوں نے بابر اعظم کی حمایت اور حوصلہ افزائی کی ہے۔