سیمی فائنل میں قومی ٹیم کی شاندار فتح پر سوشل میڈیا صارفین نے محمد عامر کو آڑے ہاتھوں لے لیا ہے۔

پاکستان اور نیوزی لینڈ کی ٹیموں کے درمیان آج سڈنی کرکٹ گراؤنڈ میں ٹی ٹوئنٹی ورلڈ کپ کا پہلا سیمی فائنل میچ کھیلا گیا جس میں پاکستان نے 7 وکٹوں سے کامیابی حاصل کی اور فائنل تک رسائی حاصل کرلی۔

اس میچ میں قومی ٹیم کی شاندار فتح اور کھلاڑیوں کی جانب سے بہترین کارکردگی دکھانے پر کھلاڑیوں کو تنقید کا نشانہ بنانے والے فاسٹ بولر محمد عامر کو سوشل میڈیا صارفین نے آڑے ہاتھوں لے لیا ہے۔

یہ بھی پڑھیں: ’جس جس نے توہین بابر کی تھی وہ معافی مانگیں‘

ہوا کچھ یوں کہ فاسٹ بولر وہاب ریاض نے محمد عامر کی جیت کی خوشی میں چاکلیٹ کھانے کی تصویر سماجی رابطے کی سائٹ پر شیئر کی۔

https://twitter.com/WahabViki/status/1590325442216890368

تصویر کے کیپشن میں انہوں نے لکھا کہ ’لوگ بات کررہے ہیں کہ محمد عامر نے جیت کی خوشی میں سرف کھالیا، بس میں انہیں بتانا چاہتا ہوں کہ وہ بالکل ٹھیک ہیں جب کہ وہ چاکلیٹ کھارہے ہیں‘۔

اس ٹوئٹ کے جواب میں سوشل میڈیا صارفین نے محمد عامر کو تنقید کا نشانہ بنایا، ایک صارف نے کہا کہ ’انڈر گراؤنڈ ہونے کا سمے آگیا ہے‘۔

علاوہ ازیں دیگر صارفین نے محمد عامر کے ساتھ ساتھ وہاب ریاض کو بھی تنقید کا نشانہ بنایا اور ساتھ ہی مزاحیہ میمز بھی شیئر کیں۔

واضح رہے کہ سیمی فائنل میں نیوزی لینڈ نے ٹاس جیت کر بیٹنگ کا فیصلہ کیا اور پاکستان کو جیت کے لیے 153 رنز کا ہدف دیا تھا جو پاکستان نے آخری اوور میں تین وکٹوں کے نقصان پر پورا کرلیا۔