انگلینڈ کے خلاف ٹیسٹ سیریز میں شاہین آفریدی کو آرام کروانے کا فیصلہ
قومی ٹیم کے مایہ ناز فاسٹ بولر شاہین شاہ آفریدی انگلینڈ کے خلاف ٹیسٹ سیریز میں دستیاب نہیں ہوں گے۔
خبر رساں ادارے کی رپورٹ کے مطابق شاہین آفریدی کو بڑی انجری سے بچانے اور ان کے مستقبل کے پیشِ نظر ٹیم مینجمنٹ نے انہیں آرام کروانے کا فیصلہ کیا ہے۔
شاہین آفریدی انگلینڈ کے خلاف یکم دسمبر سے شروع ہونے والی تین ٹیسٹ میچز پر مشتمل سیریز میں اسکواڈ کا حصہ نہیں ہوں گے۔
یہ بھی پڑھیں: اس ملک کے لیے ہمارا سب کچھ حاضر ہے، شاہین آفریدی
رپورٹ کے مطابق وطن واپسی پر شاہین آفریدی کا مکمل میڈیکل اسکین ہوگا جس کی رپورٹ کو دیکھتے ہوئے ان کا ری ہیب پلان تشکیل دیا جائے گا۔
شاہین آفریدی کی جگہ ٹیم میں حارث رؤف کو ٹیسٹ ڈیبیو کروایا جائے گا جب کہ وطن واپسی کے بعد ٹیم مینجمنٹ اور سلیکشن کمیٹی کی مشاورت سے باقاعدہ ٹیم کا اعلان کیا جائے گا۔
واضح رہے کہ ٹی ٹوئنٹی ورلڈ کپ کے فائنل کے دوران شاہین شاہ آفریدی کا گھٹنا کیچ لینے کے دوران زمین پر جا لگا تھا جس کے باعث ان کے درد میں اضافہ ہوگیا ہے۔
یہ بھی پڑھیں: شاہین کی انجری ہمیں بہت مہنگی پڑی، بابر اعظم
شاہین آفریدی گھٹنے کی تکلیف کی وجہ سے اپنا اوور بھی مکمل نہیں کرپائے تھے اور انہیں 16 ویں اوور کی پہلی گیند کروانے کے بعد باہر جانا پڑا تھا۔ بعد ازاں شاہین کی جگہ افتخار احمد نے ان کا اوور مکمل کیا تھا۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News