فیفا ورلڈکپ قطر میں ارجنٹینا نے کروشیا کو شکست دے کر فائنل میں رسائی حاصل کرلی۔

لوسیل اسٹیڈیم میں کھیلے گئے فیفا ورلڈکپ قطر کے پہلے سیمی فائنل میں ارجنٹینا نے کروشیا کو 0-3 سے شکست دے کر فائنل  میں رسائی حاصل کرلی۔

ارجنٹینا نے کپتان لیونل میسی نے اپنی ٹیم کے لیے پہلا گول 34ویں منٹ پر ملنے والے پینلٹی اسٹروک پر کیا جس کے 5 منٹ بعد ہی جولین الواریز نے  گول  کرکے برتری 0-2 کردی۔

https://twitter.com/FIFAWorldCup/status/1602769111523774467

اگلے ہاف میں 69ویں منٹ میں الواریز نے ایک اور گول کرکے ٹیم کی برتری 0-3 کردی  جو میچ کے اختتام تک برقرار رہی۔

https://twitter.com/FIFAWorldCup/status/1602785440674635776

میسی کی ٹیم ارجنٹینا نے کوارٹر فائنل میں نیدرلینڈز کو جبکہ کروشیا نے برازیل کو شکست دے کر سیمی فائنل میں رسائی حاصل کی  تھی۔

دوسرا سیمی فائنل آج رات 12 بجے (یعنی 15 دسمبر بروز جمعرات) کو کھیلا جائے گا جس میں دو بار کا عالمی چیمپئن فرانس پہلی مرتبہ سیمی فائنل میں رسائی حاصل کرنے والے مراکش کے مدمقابل آئے گا۔

https://twitter.com/FIFAWorldCup/status/1602845834827206656

کوارٹر فائنل میں مراکش نے اپنا آخری ورلڈکپ کھیلنے والے رونالڈو کی ٹیم  پرتگال کا خواب چکنا چور کیا تھا جبکہ فرانس نے کوارٹر فائنل میں انگلینڈ کو آؤٹ کلاس کیا تھا۔