کراچی: نیوزی لینڈ کے خلاف پاکستان نے پہلی اننگز میں 5 وکٹوں کے نقصان پر 317 رنز بنالیے ہیں۔

پاکستان اور نیوزی لینڈ کی ٹیموں کے درمیان کراچی کے نیشنل بینک کرکٹ ایرینا میں پہلا ٹیسٹ میچ جاری ہے جس میں پاکستان نے ٹاس جیت کر پہلے بیٹنگ کرنے کا فیصلہ کیا۔

https://twitter.com/TheRealPCB/status/1607234463624462338?ref_src=twsrc%5Etfw%7Ctwcamp%5Etweetembed%7Ctwterm%5E1607234463624462338%7Ctwgr%5E9b2060664017c27fdcf73d6648e3d5d4af0cb184%7Ctwcon%5Es1_&ref_url=https%3A%2F%2Fwww.bolnews.com%2Furdu%2Fsports%2F2022%2F12%2F718968%2F

پاکستان کی بیٹنگ

قومی ٹیم کی جانب سے بیٹنگ کا آغاز اوپنر عبداللہ شفیق اور امام الحق نے کیا لیکن اوپننگ جوڑی زیادہ دیر نہ ٹک سکی اور عبداللہ شفیق 7 رنز بناکر اعجاز پٹیل کا شکار ہوئے۔

شان مسعود 3 رنز بناکر پویلین لوٹ گئے جب کہ امام الحق 24 اور سعود شکیل 22 رنز بناکر آؤٹ ہوئے، اس طرح پاکستان نے صرف 110 رنز پر ہی اپنی 4 وکٹیں گنوا دیں۔

بعد ازاں کپتان بابر اعظم اور وکٹ کیپر سرفراز احمد نے ٹیم کو سہارا دیا اور اسکور کو 306 رنز تک پہنچایا جس کے بعد سرفراز احمد 86 رنز بناکر اعجاز پٹیل کی گیند پر کیچ دے بیٹھے۔

1️⃣9️⃣6️⃣-run partnership 🤝

A stellar stand for the fifth wicket 🏏#PAKvNZ | #TayyariKiwiHai pic.twitter.com/npZMHRZDgt

— Pakistan Cricket (@TheRealPCB) December 26, 2022

کپتان بابر اعظم نے پہلی اننگز میں عمدہ بیٹنگ کا مظاہرہ کیا، انہوں نے 277 گیندوں پر 15 چوکوں اور 1 چھکے کی مدد سے 161 رنز کرلیے ہیں۔

Special innings 🙌

©️aptain @babarazam258 marches on 💪#PAKvNZ | #TayyariKiwiHai pic.twitter.com/lxr1dw2Vf3

— Pakistan Cricket (@TheRealPCB) December 26, 2022

پاکستان ٹیم نے پہلے دن کے کھیل کے اختتام تک 5 وکٹوں کے نقصان پر 317 رنز اسکور کرلیے ہیں جب کہ بابر اعظم اور آغا سلمان کریز پر موجود ہیں۔

.@babarazam258 (161*) and @SarfarazA_54 (86) lead the way with outstanding knocks 👏#PAKvNZ | #TayyariKiwiHai pic.twitter.com/JDqJWjzHg4

— Pakistan Cricket (@TheRealPCB) December 26, 2022

نیوزی لینڈ کی جانب سے اعجاز پٹیل اور مائیکل بریسویل نے 2،2 کھلاڑیوں کو آؤٹ کیا جب کہ ٹم ساؤتھی ایک وکٹ لینے میں کامیاب رہے۔

واضح رہے کہ نیوزی لینڈ کے خلاف پہلے ٹیسٹ کے لیے قومی ٹیم میں تین تبدیلیاں کی گئی ہیں، وکٹ کیپر بلے باز محمد رضوان کی جگہ سرفراز احمد، فہیم اشرف کی جگہ میر حمزہ اور ریٹائر ہونے والے اظہر علی کی جگہ امام الحق کو ٹیم میں شامل کیا ہے۔

پاکستان اسکواڈ

کپتان بابر اعظم، امام الحق، عبداللہ شفیق، شان مسعود، سعود شکیل، سرفراز احمد، آغا سلمان، نعمان علی، محمد وسیم جونیئر، میر حمزہ اور ابرار احمد۔

Our team for the first Test 🇵🇰#PAKvNZ | #TayyariKiwiHai pic.twitter.com/gGCZ38yuMe

— Pakistan Cricket (@TheRealPCB) December 26, 2022

نیوزی لینڈ اسکواڈ

کپتان ٹم ساؤتھی، ٹام لیتھم، ڈیوون کونوے، کین ولیمسن، ہینری نکلز، ڈیرل مچل، ٹام بلنڈل، مائیکل بریسویل، اش سودھی، نیل ویگنر اور اعجاز پٹیل۔

Bowling first after a toss win for @babarazam258 who opts to have @TheRealPCB bat first in Karachi. Follow play LIVE in NZ with @skysportnz and @SENZ_Radio. LIVE scoring | https://t.co/zq07kr4Kwt #PAKvNZ pic.twitter.com/XeKVR8erj8

— BLACKCAPS (@BLACKCAPS) December 26, 2022