ویمنز ٹی ٹوئنٹی ورلڈکپ اور آسٹریلیا  کے خلاف سیریز  کے لیے قومی اسکواڈ کا اعلان کردیا گیا۔

پاکستان کی قومی خواتین  کرکٹ ٹیم کی چیف سلیکٹر اسماویہ اقبال نے آسٹریلیا کے خلاف آئندہ ماہ  جنوری میں ہونے والی دو طرفہ وائٹ بال سیریز اور  فروری میں آئی سی سی ویمنز ٹی ٹوئنٹی ورلڈ کپ کے لیے 15 رکنی اسکواڈ کا اعلان  کردیا۔

قومی ویمنز ٹیم بسمہ معروف کی قیادت میں آسٹریلیا کے خلاف وائٹ بال سیریز اور ویمنز ٹی ٹوئنٹی ورلڈکپ میں پنجہ آزمائی کرے گی۔

آسٹریلیا کے خلاف سیریز 16 جنوری سے 29 جنوری تک جاری رہے گی جس دوران تین ایک روزہ اور تین ٹی ٹوئنٹی میچز کھیلے جائیں گے۔

بعد ازاں قومی ویمنز ٹیم 10 فروری سے 26 فروری تک جنوبی افریقہ میں ہونے والے آئی سی سی ویمنز ٹی ٹوئنٹی ورلڈ کپ  میں شرکت کرے گی۔

آسٹریلیا سیریز کے لیے پاکستان کا ون ڈے سکواڈ:

بسمہ معروف(کپتان)  ، عالیہ ریاض، عائشہ نسیم، ڈیانا بیگ، فاطمہ ثناء، غلام فاطمہ، کائنات امتیاز، منیبہ علی،  نشرہ سندھو، ندا ڈار، عمائمہ سہیل، صدف شمس، سعدیہ اقبال، سدرہ امین اور سدرہ نواز

ٹریولنگ ریزرو:

ایمن انور، جویریہ خان اور طوبیٰ  حسن

آسٹریلیا اور آئی سی سی ویمنز ٹی ٹوئنٹی ورلڈ کپ کے لیے  ٹی ٹوئنٹی اسکواڈ:

بسمہ معروف(کپتان)، ایمن انور، عالیہ ریاض، عائشہ نسیم، ڈیانا بیگ، فاطمہ ثناء، جویریہ خان، منیبہ علی  ، نشرہ سندھو، ندا ڈار، عمائمہ سہیل، سعدیہ اقبال، سدرہ امین، سدرہ نواز اور طوبیٰ حسن

ٹریولنگ ریزرو:

غلام فاطمہ، کائنات امتیاز اور صدف شمس

https://twitter.com/TheRealPCB/status/1602909983473106944