اعظم خان نے اپنے والد کے نقش قدم پر چلتے ہوئے ناقابل یقین کیچ پکڑ کر سب کو حیران کردیا ہے۔

سابق کپتان معین خان کے بیٹے اور قومی وکٹ کیپر و بیٹر اعظم خان نے لنکا پریمیئر لیگ (ایل پی ایل) میں ایک ناقابل یقین کیچ پکڑا جسے دیکھ کر کمنٹیٹر بھی حیران رہ گئے۔

https://twitter.com/OneCricketApp/status/1602268946539110401?ref_src=twsrc%5Etfw%7Ctwcamp%5Etweetembed%7Ctwterm%5E1602268946539110401%7Ctwgr%5E8a492217eb2a57ceb04fd4bab43b23f446de4f4f%7Ctwcon%5Es1_&ref_url=https%3A%2F%2Fcricketpakistan.com.pk%2Fen%2Fnews%2Fdetail%2Fwatch-azam-khans-spectacular-catch-in-lpl

ایل پی ایل کے تیسرے ایڈیشن میں گال گلیڈی ایٹرز کی نمائندگی کرنے والے اعظم خان نے دائیں جانب ڈائیو لگاکر اپنی والد کی ایک جھلک دکھائی جیسے معین خان نے پاکستان کے لیے 69 ٹیسٹ میں اسٹمپ کے پیچھے دکھائی تھی۔

اعظم خان فرنچائز کرکٹ میں باقاعدگی سے کھیلتے آرہے ہیں جب کہ پاکستان ٹیم کے لیے انہوں نے صرف تین ٹی ٹوئنٹی میچز کھیلے ہیں۔

اعظم خان کی پرفارمنس کو سراہتے ہوئے ایک کمنٹیٹر نے کہا کہ ’اعظم خان جیسی صحت والے آدمی کے لیے ایسی ڈائیو لگانا سب سے زیادہ ناقابل یقین کردینے والی بات ہے‘۔

ایک اور کمنٹیٹر نے کہا کہ ’ایک بہت مشہور وکٹ کیپر معین خان کا بیٹا جو پاکستان کا کوچ بھی ہے جب کہ ایکروبیٹک آسان نہیں ہے. شاندار کیچ‘۔