کراچی ٹیسٹ میں انگلینڈ نے پاکستان کو 8 وکٹوں سے شکست دے کر تین ٹیسٹ میچز کی سیریز میں  وائٹ واش کردیا۔

تفصیلات کے مطابق کراچی ٹیسٹ کے چوتھے روز انگلینڈ نے 112 رنز 2 کھلاڑی آؤٹ پر اننگز کا آغاز کیا تو اسے جیت کے لیے مزید 55 رنز درکار تھے۔

انگلینڈ نے ہدف با آسانی بغیر کسی مزید نقصان کے حاصل کرلیا۔ بین ڈکٹ 82 اور کپتان بین اسٹوکس 35 رنز بناکر ناقابل شکست رہے۔زیک کرولی 41 اور ریحان احمد 10 رنز بناکر آؤٹ ہوئے۔

پاکستان کی جانب سے انگلینڈ کی دونوں وکٹیں ابرار احمد  نے حاصل کیں۔ انہوں نے سیریز کے دو میچز میں مجموعی طور پر 17 وکٹیں حاصل کیں۔

https://twitter.com/ICC/status/1605076510406238208?cxt=HHwWgICzgaGlsMYsAAAA

اس سے قبل  تیسرے روز پاکستان ٹیم اپنی دوسری اننگ میں 216  رنز بناکر آل آؤٹ ہوگئی تھی اور  انگلینڈ کو جیت لیے 167 رنز کا ہدف کا  ملا تھا۔

پاکستان کی جانب سے کپتان بابر اعظم نے سب سے زیادہ 54 اور سعود شکیل نے 53 رنز بنائے تھے۔عبداللہ شفیق 26، شان مسعود 24 ، آغا سلمان 21 اور نعمان علی 15 رنز بناکر آؤٹ ہوئے تھے۔

ان کے علاوہ دیگر کوئی کھلاڑی ڈبل فیگرز میں داخل نہ ہوسکاتھا۔محمد رضوان 7، محمد وسیم جونیئر 2، فہیم اشرف ایک اور آخری ٹیسٹ کھیلنے والے اظہر علی بغیر کوئی رن بنائے آؤٹ ہوئےتھے جبکہ ابرار احمد ایک رن پر ناٹ آؤٹ رہے تھے۔

مزید پڑھیں: اظہر علی کا ٹیسٹ کرکٹ سے ریٹائرمنٹ کا اعلان

انگلینڈ کی جانب سے ڈیبیوٹنٹ ریحان احمد نے 5، جیک لیچ نے 3 جبکہ جو روٹ اور مارک ووڈ نے ایک ایک وکٹ حاصل کی تھی۔

Advertisement

Just getting started 🌟

🇵🇰 #PAKvENG 🏴󠁧󠁢󠁥󠁮󠁧󠁿 pic.twitter.com/9jEy6WZcmp

— England Cricket (@englandcricket) December 19, 2022

اس سے قبل انگلینڈ نے اپنی پہلی اننگ میں ہیری بروک (111) کی سنچری کی بدولت 354  رنز بنائے تھے۔بین فوکس 64 اور اولی پوپ 51 رنز بناکر دیگر نمایاں بلے باز رہے تھے۔

پاکستان کی جانب سے ابرار احمد اور نعمان علی نے 4،4 جبکہ محمد وسیم جونیئر نے ایک وکٹ حاصل کی تھی۔

مزید پڑھیں: انگلینڈ کے کم عمر ڈیبیوٹنٹ نے اہم اعزاز اپنے نام کرلیا

کراچی ٹیسٹ میں پاکستان نے ٹاس جیت کر پہلے بیٹنگ کرتے ہوئے کپتان بابر اعظم (78) اور آغا سلمان(56) کی نصف سنچریز کی بدولت 304 رنز بنائے تھے۔

انگلینڈ کی جانب سے جیک لیچ نے 4، ریحان احمد نے 2 جبکہ اولی روبنسن، مارک ووڈ اور جو روٹ نے ایک ایک وکٹ حاصل کی تھی۔

واضح رہے کہ یہ پہلا موقع ہے جب پاکستان ٹیم  کو ہوم ٹیسٹ سیریز میں وائٹ واش  کی ہزیمت اٹھانی پڑی ہے۔

پاکستان کو رواں ماہ کے آخر سے نیوزی لینڈ کے خلاف  ٹیسٹ سیریز کھیلنی ہے۔