کیا میسی فیفا ورلڈ کپ کا فائنل کھیلیں گے؟ بڑی خبر سامنے آگئی

ویب ڈیسک

17th Dec, 2022. 08:10 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

کیا میسی فیفا ورلڈ کپ کا فائنل کھیلیں گے؟ بڑی خبر سامنے آگئی

فیفا ورلڈ کپ کے فائنل میں ارجنٹائن کے اسٹار فٹ بالر لیونل میسی کی شرکت کے حوالے سے بڑی خبر سامنے آگئی ہے۔

غیر ملکی خبر رساں ادارے نے ذرائع کے حوالے سے رپورٹ دی ہے کہ اتوار کو فائنل میچ سے قبل ارجنٹائن کی ٹیم کا ٹریننگ سیشن ہوا جس میں لیونل میسی نے شرکت نہیں کی۔

رپورٹ میں کہا گیا ہے کہ منگل کو لوسیل اسٹیڈیم میں کھیلے گئے پہلے سیمی فائنل میں ارجنٹائن کی جیت میں کلیدی کردار ادا کرنے والے کپتان لیونل میسی کو میچ کے اختتام پر بھی اپنے ہیمسٹرنگ کو پکڑتے ہوئے دیکھا گیا تھا۔

یہ بھی پڑھیں: فرانس کی وہ غلطیاں جس کا فائدہ فائنل میں ارجنٹائن کو ہوسکتا ہے

رپورٹ کے مطابق میسی نے میچ کے بعد کہا تھا کہ وہ فرانس کے خلاف فائنل کے لیے بالکل ٹھیک رہیں گے۔

دوسری جانب ارجنٹائن کے گول کیپر ایمیلیانو مارٹینیز کا کہنا ہے کہ لیونل میسی ورلڈ کپ فائنل کے لیے دستیاب ہوں گے۔

واضح رہے کہ قطر میں جاری فیفا ورلڈ کپ اپنے اختتام کو پہنچ چکا ہے جس میں اب صرف فائنل اور تیسرے نمبر کی ٹیم کے لیے مقابلہ ہونا باقی ہیں۔

یہ بھی پڑھیں: فیفا ورلڈ کپ جیتنے والی ٹیم کو کتنی انعامی رقم ملے گی؟

تیسرے نمبر کی ٹیم کا فیصلہ آج کروشیا اور مراکش کے درمیان مقابلے کے بعد ہوگا تاہم بائیسویں فیفا ورلڈ کپ کے فاتح کا فیصلہ کل ہوگا جس میں فرانس اور ارجنٹائن کی ٹیمیں مدمقابل ہوں گی۔

یاد رہے کہ ارجنٹائن سیمی فائنل میں کروشیا کو شکست دے کر پہنچا ہے جب کہ فرانس نے سیمی فائنل میں مراکش کی ٹیم کو شکست دی ہے۔