قومی کرکٹ ٹیم کے سینئر بلے باز اظہر علی نے  ٹیسٹ کرکٹ سے ریٹائرمنٹ کا اعلان کردیا۔

کراچی میں پریس کانفرنس کے دوران سابق کپتان اظہر علی اپنی ریٹائرمنٹ کا اعلان کرتے ہوئے  آب دیدہ ہوگئے۔

Azhar Ali addresses press conference at National Bank Cricket Arena, Karachi.#PAKvENG https://t.co/D0uUC3qOFI

— Pakistan Cricket (@TheRealPCB) December 16, 2022

انہوں نے کہا کہ کل کامیچ پاکستان کے لیے میرا آخری  میچ ہوگا۔ پاکستان کے لیے کھیلنا اور کپتانی کرنا میرے لیے بڑا اعزاز ہے۔  تمام مداحوں کا، اہل خانہ کا اور ٹیم میں لانے والوں کا بہت شکریہ۔

Congratulations on a wonderful career, @AzharAli_ 🙌

Read more: https://t.co/1yhv9Y7BXP pic.twitter.com/TRCkqv9Gom

— Pakistan Cricket (@TheRealPCB) December 16, 2022

اظہر علی نے کہا کہ ریٹائرمنٹ سے متعلق فیصلہ میرا اپنا ہے۔ ہر چیز کا اختتام ہوتا ہے دل اور دماغ کہتا ہے اب وقت آگیا ہے لیکن ڈومیسٹک کرکٹ جاری رکھوں گا۔

مزید پڑھیں: کاؤنٹی چیمپئین شپ،اظہر علی نے ایک اور ریکارڈ اپنے نام کر لیا

انہوں نے کہا کہ  قومی ٹیم میں  اب نئے نوجوان کھلاڑی آرہے ہیں۔

واضح رہے   کہ اظہر علی ون ڈے اور ٹی ٹوئنٹی کرکٹ سے پہلے ہی ریٹائرمنٹ لے چکے ہیں۔

اظہر علی نے پاکستان کے لیے  96ٹیسٹ میچز میں 19 سنچریز اور 35 نصف سنچریز کی مدد سے 7097 رنز بنائے۔ٹیسٹ کرکٹ میں ان کا بہترین اسکور 302 رنز ناٹ آؤٹ ہے۔

مزید پڑھیں: مسلسل خراب کارکردگی، اظہر علی کا کیرئیر خطرے میں

اظہر علی پاکستان کے لیے ٹرپل سنچری کرنے والے کھلاڑیوں کی فہرست میں چوتھے اور آخری کھلاڑی ہیں۔ اس کے بعد سے اب تک کوئی کھلاڑی یہ کارنامہ انجام نہیں دے سکا ہے۔