پی سی بی کا گراس روٹ کرکٹ کے لیے بڑا فیصلہ

اعجاز وسیم باکھری

24th Dec, 2022. 03:38 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

پی سی بی کا گراس روٹ کرکٹ کے لیے بڑا فیصلہ

پی سی بی بھاری تنخواہوں پر عہدیداران کو رکھنے کے حق میں نہیں، فیصلہ کل ہوگا

پی سی بی کی مینجمنٹ کمیٹی نے گراس روٹ کرکٹ کے لیے بڑا فیصلہ کرلیا ہے۔

پاکستان کرکٹ بورڈ (پی سی بی) کی مینجمنٹ کمیٹی نے آئین 2019 کے تحت ہونے والی کلب رجسٹریشن اور کلب اسکروٹنی کو ختم کردیا ہے۔

یہ بھی پڑھیں: شاہد آفریدی پاکستان ٹیم کے عبوری چیف سلیکٹر مقرر

جس کے بعد ملک بھر میں 2014 آئین کے تحت رجسٹرڈ کلبز کا اسٹیٹس بحال ہوگیا ہے، ملک بھر میں 106 ڈسٹرکٹ کرکٹ ایسوسی ایشنز اور 16 ریجنل کرکٹ ایسوسی ایشنز بھی بحال ہو جائیں گی۔

مینجمنٹ کمیٹی کے فیصلے سے ملک بھر کے کرکٹ آرگنائزرز میں خوشی کی لہر دوڑ گئی ہے۔

دوسری جانب قومی ٹیم کے کوچنگ اسٹاف کی تبدیلی کے فیصلے میں تاخیر ہورہی ہے جب کہ ثقلین مشتاق اور محمد یوسف کے بارے میں پی سی بی فیصلے پر نہیں پہنچ سکا ہے۔

ذرائع کے مطابق پی سی بی نے غیر ملکی ہیڈ کوچ کے لیے اشتہار دینے کا فیصلہ کیا ہے جب کہ غیر ملکی ہیڈ کوچ کے لیے پی سی بی نے مکی آرتھر سے بھی رابطہ کیا ہے۔

ذرائع کا مزید کہنا ہے کہ کوچنگ سرچ کمیٹی دنیا کے ٹاپ کوچز کے انٹرویوز کرے گی۔