پاکستان کرکٹ ٹیم کے کوچنگ اسٹاف میں فوری تبدیلی نہ کرنے کا فیصلہ

ویب ڈیسک

24th Dec, 2022. 04:18 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

پاکستان کرکٹ ٹیم کے کوچنگ اسٹاف میں فوری تبدیلی نہ کرنے کا فیصلہ

لاہور : مینجمنٹ کمیٹی نے پاکستان کرکٹ ٹیم کے کوچنگ اسٹاف میں فوری طور پر تبدیلی نہ کرنے کا فیصلہ کیا ہے۔

ذرائع کے مطابق پاکستان کرکٹ ٹیم کے کوچنگ اسٹاف میں فوری طور پر تبدیلی نہ کرنے کا فیصلہ مینجمنٹ کمیٹی کے اجلاس میں کیا گیا۔

ذرائع کا کہنا ہے کہ نیوزی لینڈ سیریز کے بعد کوچنگ اسٹاف کے حوالے سے فیصلے ہوں گے، ثقلین مشتاق اور شان ٹیٹ اپنے عہدے کی مدت پوری کریں گے جب کہ دونوں کوچز کے عہدے کی مدت فروری 2023 تک ہے۔

پی سی بی کا گراس روٹ کرکٹ کے لیے بڑا فیصلہ

واضح رہے کہ گذشتہ روز یہ خبر سامنے آئی تھی کہ پی سی بی کی مینجمنٹ کمیٹی نے کوچنگ اسٹاف کو بدلنے کا فیصلہ کیا ہے۔

کرکٹ بورڈ مینجمنٹ کمیٹی کے چیئرمین نجم سیٹھی کا کہنا تھا کہ ہیڈ کوچ ثقلین مشتاق سمیت کوچنگ اسٹاف کی آخری اسائمنٹ کا فیصلہ کل ہوگا۔

ان کا کہنا تھا کہ قومی ٹیم کی کوچنگ کے لیے اسٹارز کی بجائے کوالیفائڈ کوچز کی ضرورت ہے، ہمیں اپنے سابق کرکٹرز اور اسٹارز کی قدر ہے مگر پاکستان ٹیم کا کوچنگ اسٹاف غیر ملکی رکھنے کا فیصلہ کیا ہے۔

چیف سلیکٹر محمد وسیم عہدے سے فارغ

شاہد آفریدی پاکستان ٹیم کے عبوری چیف سلیکٹر مقرر

نجم سیٹھی نے کہا تھا کہ قومی ٹیم کی سلیکشن کمیٹی کا اعلان بھی کل ہوگا جب کہ موجودہ سلیکشن کمیٹیاں اور کرکٹ ایسوسی ایشنز تحلیل کردی گئیں ہیں۔

انہوں نے مزید کہا تھا کہ پاکستان کپ کو جاری رکھنے کا فیصلہ ہوا ہے، جونیئر لیگ اور ویمنز لیگ کے مستقبل پر مشاورت کے بعد آگاہ کریں گے۔