افسوس ہے کہ ورلڈ کپ نہیں کھیل رہے، سیکریٹری پی ایچ ایف

اعجاز وسیم باکھری

17th Jan, 2023. 04:24 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

افسوس ہے کہ ورلڈ کپ نہیں کھیل رہے، سیکریٹری پی ایچ ایف

سیکریٹری پاکستان ہاکی فیڈریشن حیدر حسین کا کہنا ہے کہ ہمیں افسوس ہے ورلڈ کپ نہیں کھیل رہے۔

تفصیلات کے مطابق سیکریٹری پاکستان ہاکی فیڈریشن (پی ایچ ایف)حیدر حسین کا لاہور میں میڈیا سے گفتگو کرتے ہوئے کہنا تھا کہ ہم اس کے خود قصور وار ہیں ۔ایشیا کپ میں اضافی کھلاڑی میدان میں نہ ہوتا تو ورلڈ کپ کھیل رہے ہوتے۔

حیدر حسین نے کہا کہ معاملے کی انکوائری کمیٹی بنائی لیکن اب انکوائری رپورٹ کے لیے خط لکھا ہے کہ اب تک کیوں نہیں بنی۔ قصور واروں کو سزا ملنی چاہیے۔

انہوں نے کہا کہ حکومت کے ساتھ کے بغیر پاکستان ہاکی کا آگے چلنا مشکل ہے۔ پاکستان اسپورٹس بورڈ(پی ایس بی) کو پی ایچ ایف کے معاملات پر غلط گائیڈ کیا جا رہا ہے۔

سیکریٹری پی ایچ ایف کا کہنا تھا کہ ہیڈ کوچ سیگفرائیڈ ایکمین کے واجبات کی عدم ادائیگی کے بھی ہم قصور وار ہیں۔

حیدر حسین نے کہا کہ پی ایس بی نے اس کے واجبات ادا کرنا تھے، یہی معاہدہ ہوا تھا، تاخیر نہیں ہونی چاہیے تھی، میں ایکمین کو سلام پیش کرتا ہوں کہ انہوں نےمعاوضے کے بغیر کام کیا۔

ان کا مزید کہنا تھا کہ ایکمین کی تنخواہ کاچیک بن چکا ہے ۔وزیر بین الصوبائی رابطہ بیرون ملک ہیں واپسی پر دستخط ہونے پر ان کو چیک بھجوا دیا جائے گا۔