پی ایس ایل 8 کا شیڈول سامنے آگیا، افتتاحی تقریب کہاں ہوگی؟

ویب ڈیسک

04th Jan, 2023. 06:14 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

پی ایس ایل 8 کا شیڈول سامنے آگیا، افتتاحی تقریب کہاں ہوگی؟

پاکستان سپر لیگ (پی ایس ایل) کے سیزن 8 کا شیڈول سامنے آگیا ہے جس کی افتتاحی تقریب ملتان میں منعقد ہوگی۔

پاکستان سپر لیگ کے کامیاب ساتویں ایڈیشن کے بعد آٹھواں ایڈیشن رواں سال فروری اور مارچ میں کھیلا جائے گا جس کا شیڈول سامنے آگیا ہے۔

نجی اسپورٹس ویب سائٹ کے مطابق جنوبی پنجاب کا شہر ملتان میگا ایونٹ میں افتتاحی تقریب کی میزبانی کرے گا جب کہ ٹورنامنٹ کا پہلا میچ بھی ملتان ہی میں کھیلا جائے گا۔

یہ بھی پڑھیں: پی ایس ایل 8 میں کس ٹیم نے کس کھلاڑی کو منتخب کیا؟

افتتاحی میچ میں دفاعی چیمپئن لاہور قلندرز اور ملتان سلطانز کی ٹیمیں مدمقابل ہوں گی جب کہ یہ ٹورنامنٹ 13 فروری سے 19 مارچ تک چار مقامات پر کھیلا جائے گا جن میں ملتان کے علاوہ کراچی، راولپنڈی اور لاہور شامل ہیں۔

میچز سے قبل 9، 10، 11 اور 12 فروری کو ٹیمیں پریکٹس کریں گی جب کہ ٹورنامنٹ کا مجوزہ شیڈول مندرجہ ذیل ہوگا۔

ٹورنامنٹ میں کل 32 میچز کھیلے جائیں گے جس میں 30 راؤنڈ میچز ہوں گے جب کہ ایک پلے آف اور پھر فائنل ہوگا۔

یہ بھی پڑھیں: نجم سیٹھی کا پی ایس ایل کوئٹہ لے جانے کا اعلان

13 سے 26 فروری کے دوران کراچی اور ملتان میں راؤنڈ کے 14 میچز کھیلے جائیں گے جب کہ بقیہ 16 راؤنڈز کے میچز راولپنڈی اور لاہور میں کھیلے جائیں گے۔ ایونٹ کا پلے آف اور فائنل میچ لاہور میں کھیلا جائے گا۔