ویمنز ٹی ٹوئنٹی ورلڈکپ کے دسویں میچ میں پاکستان نے آئرلینڈ کو 70 رنز سے شکست دے دی۔

تفصیلات کے مطابق کیپ ٹاؤن میں کھیلے گئے میچ میں آئرلینڈ نے ٹاس جیت کر پاکستان کو پہلے بیٹنگ کرنے کی دعوت دی تو  پاکستان نے منیبہ علی کی شاندار سنچری کی بدولت مقررہ 20 اوورز میں 5 وکٹوں کے نقصان پر 165 رنز بنائے۔

منیبہ علی 68 گیندوں پر 102 رنز بناکر آؤٹ ہوئیں۔ وہ پاکستان کی جانب سے ٹی ٹوئنٹی کرکٹ میں سنچری اسکور کرنے والی پہلی ویمن کرکٹر بن گئیں۔

یہ بھی پڑھیں: پاکستانی بیٹر منیبہ علی نے آئی سی سی ویمنز ٹی ٹوئنٹی ورلڈ کپ میں تاریخ رقم کر دی

ندا ڈار 33 رنز بناکر دوسری نمایاں بلے باز رہیں۔جویریہ خان اور عائشہ نسیم 6،6 اورکپتان بسمہ معروف 4 رنز بناکر آؤٹ ہوئیں جبکہ عالیہ ریاض 3 رن بناکر ناٹ آؤٹ رہیں۔

آئرلینڈ کی جانب سے آرلین کیلی نے 2 جبکہ لی پال  اور لورا ڈیلانی نے ایک ایک وکٹ حاصل کی۔

ہدف کے تعاقب میں آئرلینڈ کی پوری ٹیم 17ویں اوور میں 95 رنز بناکر آل آؤٹ ہوگئی۔اورلا پرینڈیرگاسٹ31، ایمار رچرڈسن 28 اور  گیبی لوئس 10 رنز بناکر نمایاں رہیں۔

Terrific performance as Pakistan clinch their first win of the tournament 🙌#T20WorldCup | #BackOurGirls | #PAKvIRE pic.twitter.com/qKm9pKXvBJ

— Pakistan Cricket (@TheRealPCB) February 15, 2023

پاکستان  کی جانب سے نشرا سندھو نے 4 ، ندا ڈار اور سعدیہ اقبال نے 2،2 جبکہ فاطمہ ثناء اور ظوبیٰ حسن نے ایک ایک وکٹ حاصل کی۔