دنیائے فٹبال کے ایک اور معروف کھلاڑی سعودی کلب میں شامل

ویب ڈیسک

15th Jul, 2023. 04:12 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

دنیائے فٹبال کے ایک اور معروف کھلاڑی سعودی کلب میں شامل

دنیائے فٹبال کے معروف کھلاڑی جورڈن ہینڈرسن لیور پول کو خیرباد کہہ کر سعودی کلب الاتفاق میں شامل ہوگئے ہیں۔

غیر ملکی خبر رساں ادارے کی رپورٹ کے مطابق سعودی فٹبال کلب الاتفاق میں ایک اور بڑے کھلاڑی کی شمولیت ہوئی ہے۔

انگلش کھلاڑی جورڈن ہینڈرسن نے سعودی کلب کو جوائن کرلیا ہے جب کہ اس سے قبل وہ لیور پول کے لیے کھیلتے رہے ہیں۔

رپورٹ کے مطابق سعودی کلب کی جانب سے انہیں شامل ہونے کی پیشکش کی گئی تھی جس کو انہوں نے قبول کرلیا ہے تاہم یہ معاہدہ فی الحال زبانی معاہدہ ہے۔

رپورٹس بتاتی ہیں کہ جورڈن ہینڈرسن کی معاوضے کے حوالے سے بات چیت جاری ہے جب کہ انہیں ہر ہفتے 80 ہزار ڈالر ادا کیے جائیں گے۔

واضح رہے کہ اس سے قبل فٹبال کی دنیا کے کئی بڑے نام بھی سعودی فٹبال کلبز کو جوائن کرچکے ہیں جن میں کرسٹیانو رونالڈو بھی ہیں، جنہوں نے گزشتہ سال سعودی فٹ بال کلب ‘النصر’ میں شمولیت اختیار کی تھی۔

علاوہ ازیں ریئل میڈرڈ کے سابق اسٹرائیکر کریم بینزیما نے فٹ بال کلب ‘التحاد’ میں شمولیت اختیار کی ہے۔