سابق بھارتی کھلاڑی سورو گنگولی کے پاکستان کے خلاف یک طرفہ جیت کے بیان کا وقار یونس نے جواب دے دیا ہے۔

لاہور میں بدھ کو ایشیاکپ 2023 کے شیڈول کی نقاب کشائی کی تقریب کے بعد پاکستان کے سابق کپتان وقار یونس سے سورو گنگولی کے یک طرفہ جیت کے بیان پر تبصرہ کرنے کو کہا گیا۔

تاہم وقار یونس نے گنگولی کے بیان پر تبصرہ کرنے سے گریز کیا اور جواب دیتے ہوئے بھارت اور پاکستان کے درمیان مسابقتی تاریخ پر توجہ دی۔

یہ بھی پڑھیں: ورلڈ کپ 2023 کے سیمی فائنل میں کون جائے گا؟ سورو گنگولی نے پیش گوئی کردی

انہوں نے کہا کہ لیکن ہم جو بھی میچز ہارے وہ بھی کافی قریب تھے۔ اس لیے آپ جو چاہیں کہہ سکتے ہیں، بھارت اور پاکستان کے درمیان ہونے والے میچز دنیا کے سب سے بڑے میچز ہوتے ہیں۔

واضح رہے کہ گزشتہ ہفتے سابق بھارتی کھلاڑی سورو گنگولی نے بیان دیا تھا کہ بھارت اور پاکستان کے درمیان میچز پر بہت زیادہ شور مچایا جارہا ہے۔

انہوں نے کہا تھا پاکستان کا معیار کافی عرصے سے اتنا اچھا نہیں رہا کیونکہ بھارت یک طرفہ طور پر میچز جیتتا رہا ہے۔ دبئی میں ہونے والے ٹی ٹوئنٹی ورلڈ کپ میں پاکستان نے شاید پہلی بار بھارت کو شکست دی تھی۔

خیال رہے کہ ورلڈ کپ 2023 میں بھارت اور پاکستان کے درمیان انتہائی متوقع میچ 15 اکتوبر کو احمد آباد کے نریندر مودی اسٹیڈیم میں کھیلا جائے گا۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں