رواں ماہ سری لنکا کے خلاف پاکستان ٹیسٹ ٹیم میں منتخب ہونے ہونے والے عامر جمال کا پی سی بی ڈیجیٹل کو بتاتے ہوئے کہنا تھا کہ زندگی میں کوئی شارٹ کٹ نہیں ہے۔

قومی کرکٹر عامر جمال کہتے ہیں کہ زندگی میں کوئی شارٹ کٹ نہیں ہے، ایک خاص عمل ہے جس سے گزرنا پڑتا ہے اور اس کے بعد ہی کوئی شخص اپنی کامیابیوں کی صحیح معنوں میں قدر کرتا ہے۔

ان خیالات کا اظہار انہوں نے حال میں ہی سری لنکا کے خلاف ٹیسٹ ٹیم میں اپنی جگہ بنانے کے بعد پی سی بی ڈیجیٹل میڈیا کو انٹرویو دیتے ہوئے کیا۔

عامر جمال کہتے ہیں کہ ٹیسٹ ٹیم میں منتخب ہونا میرے لیے معنی خیز ہے، مجھے قومی سلیکٹرز نے بتایا تھا کہ ٹیسٹ ٹیم میں جگہ حاصل کرنے کے لیے تیار رہو۔

واضح رہے کہ عامر جمال نے 2014 میں کیا جب انہوں نے ریجینل انڈر 19 ٹورنامنٹ کے پانچ میچز میں 16.97 کی اوسط سے 30 وکٹیں حاصل کیں تھی۔

بعد ازاں انہیں لاہور میں افغانستان کے خلاف انڈر 19 سیریز کے لیے پاکستانی اسکواڈ میں شامل کیا گیا تھا جس کے بعد وہ باقاعدگی سے نادرن کی ٹیم کے لیے کھیلتے رہے۔

علاوہ ازیں عامر جمال نے انگلینڈ کے خلاف سات میچز کی ٹی ٹوئنٹی سیریز کے پانچویں میچ میں بہترین بولنگ کرواکر قوم کے دل جیت لیے تھے۔

انہوں نے میچ کے آخری اوور میں ان فارم معین علی کے خلاف کامیابی سے 15 رنز کا دفاع کیا تھا جس کے بعد قومی ٹیم کو سیریز میں 3-2 سے برتری حاصل ہوگئی تھی۔