سری لنکا کے شہر کولمبو میں کھیلے گئے ایمرجنگ ایشیا کپ 2023 کے فائنل میں پاکستان نے بھارت کو عبرت ناک شکست دے دی ہے۔

🏆 𝐂𝐇𝐀𝐌𝐏𝐈𝐎𝐍𝐒 🏆

Pakistan Shaheens defend their #ACCMensEmergingTeamsAsiaCup title 🤩💪#BackTheBoysInGreen pic.twitter.com/ReP9mJnEra

— Pakistan Cricket (@TheRealPCB) July 23, 2023

تفصیلات کے مطابق فائنل میچ میں بھارت نے ٹاس جیت کر پہلے بولنگ کا فیصلہ کیا لیکن یہ ان کے حق میں بہتر ثابت نہ ہوا۔

پاکستان نے پہلے کھیلتے ہوئے مقررہ 50 اوورز میں 8 وکٹوں کے نقصان پر 353 رنز بنائے اور روایتی حریف کو 353 رنز کا ہدف دیا

https://twitter.com/TheRealPCB/status/1683162700573196288

گرین شرٹس کے اوپنرز نے اننگ کے ابتدا سے ہی جارحانہ مگر محتاط انداز اختیار کرتے ہوئے سنچری پارٹنر شپ بنائی اور دونوں اوپنرز نے نصف سنچریاں بنائیں۔ پاکستان کے پہلے آؤٹ ہونے والے بیٹر صائم ایوب تھے جو 121 کے مجموعی اسکور پر 59 رنز بنا کر آؤٹ ہوئے جس کے لیے انہوں نے 51 گیندوں کا سہارا لیا۔ صاحبزادہ فرحان 65 رنز بناکر رن آؤٹ ہوگئے۔

پاکستان کی جانب سے طیب طاہر نے جارحانہ انداز اپنایا اور صرف 71 گیندوں پر 4 چھکوں اور 12 چوکوں کی مدد سے 108 رنز کی اننگ کھیلی جبکہ کپتان محمد حارث صرف 2 رنز بناسکے۔

بھارت کی جانب سے رجوردھن ہنگرگیکر اور ریان پراگ نے 2، کھلاڑیوں کو آؤٹ کیا جبکہ ہرشت رانا، مانو ستھر اور نشات سندھو نے 1،1 وکٹ حاصل کی۔

ہدف کے تعاقب میں بھارتی ٹیم 40 اوورز میں 224 رنز بنا کر آل آؤٹ ہوگئی۔

بھارت کی جانب سے ابھیشیک شرما 61 رنز بنا کر نمایاں بلے باز رہے، سودھرسن 29، جبکہ کپتان یش ڈھل نے 39 رنز بنائے۔

پاکستان کی جانب سے سفیان مقیم نے 3 وکٹیں حاصل کیں، محمد وسیم، مہران ممتاز اور ارشد اقبال نے 2،2 شکار کیے جبکہ مبصر خان نے 1 وکٹ حاصل کی۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں