قومی ٹیم کے کپتان بابر اعظم نے پاکستان شاہینز کے کھلاڑیوں کو آنے والے چیلنجز کے لیے تیار رہنے کی ترغیب دی ہے۔

اتوار کو سری لنکا میں ہونے والے ایمرجنگ ایشیاکپ 2023 کے فائنل میں پاکستان شاہینز نے مسلسل دوسری مرتبہ فتح حاصل کی ہے۔

جیت کا جشن منانے کے لیے پاکستان ٹیم کے کپتان بابر اعظم اور ٹیم کے کھلاڑیوں نے نوجوان ٹیم کا پرتپاک استقبال کیا اور ان کے لیے عشائیہ کا اہتمام کیا۔

بابر اعظم نے عشائیہ کے دوران پاکستان شاہینز کے کھلاڑیوں سے بات چیت کی اور انہیں آنے والے چیلنجز کے لیے تیار رہنے کی ترغیب دی۔

https://twitter.com/TheRealPCB/status/1683311044075085829?ref_src=twsrc%5Etfw%7Ctwcamp%5Etweetembed%7Ctwterm%5E1683311044075085829%7Ctwgr%5E9e60fdbb043a76b278921461c9dd0ba8c370a63e%7Ctwcon%5Es1_&ref_url=https%3A%2F%2Fcricketpakistan.com.pk%2Fen%2Fnews%2Fdetail%2Fwatch-babar-azam-motivates-pakistan-shaheens-for-future-challenges

بابر اعظم نے کہا کہ ’’یہ آپ کا یقین تھا جس نے آپ کو فتح تک پہنچایا۔ یہ صرف شروعات ہے، اختتام نہیں۔ اس فتح کا جشن منائیں لیکن اس کے بارے میں زیادہ پرجوش نہ ہوں۔ وہاں ہمیشہ ایک نیا چیلنج آپ کا انتظار کرتا ہے جس کے لیے خود کو تیار کریں‘‘۔

انہوں نے نوجوان کھلاڑیوں کی حوصلہ افزائی کی کہ وہ اپنی کارکردگی کا خود جائزہ لیں کیونکہ اس سے انہیں کھیل کے میدان میں بہتر طور پر ابھرنے میں مدد ملے گی۔

ان کا کہنا تھا کہ ’’ اپنی کارکردگی دیکھیں اور تجزیہ کریں۔ اپنے استاد بنیں، یہ آپ کو مزید بڑھنے میں مدد دے گا۔ مطمئن نہ ہوں جیسا کہ میں پہلے ہی کہہ چکا ہوں کہ یہ کوئی خاتمہ نہیں ہے۔ اپنی کمزوریوں پر قابو پالیں اور اگلے چیلنجز کے لیے تیار رہیں‘‘۔

واضح رہے کہ فائنل میں پاکستان شاہینز نے بھارت اے کے خلاف زبردست کارکردگی کا مظاہرہ کیا جب کہ صائم ایوب اور صاحبزادہ فرحان کی نصف سنچریوں اور طیب طاہر کی 71 گیندوں پر شاندار سنچری نے پاکستان شاہینز کی جیت میں اہم کردار ادا کیا تھا۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں