چیئرمین پی سی بی مینجمنٹ کمیٹی ذکا اشرف نے اعجاز بٹ کے انتقال پر اظہار تعزیت کیا ہے۔

چیئرمین پی سی بی مینجمنٹ کمیٹی ذکا اشرف سابق چیئرمین پی سی بی مرحوم اعجاز بٹ کے گھر پہنچے، جہاں انہوں نے اعجاز بٹ کے انتقال پر اظہار تعزیت کیا۔

ذکا اشرف نے سابق چیئرمین اعجاز بٹ کی رہائش گاہ پر سوگوار فیملی سے ملاقات کی اور مرحوم کے ساتھ اپنے دیرینہ تعلقات کا ذکر کیا۔

اس موقع پر ذکا اشرف نے کہا کہ اعجاز بٹ کی کرکٹر اور ایڈمنسٹریٹر کی حیثیت سے خدمات ہمیشہ یاد رکھی جائیں گی۔

دوسری جانب چیئرمین پی سی بی عالمگیر ترین کے انتقال پر بھی جہانگیر ترین کے گھر پہنچ گئے، جہاں انہوں نے جہانگیر ترین سے ان کے بھائی عالمگیر ترین کی وفات پر تعزیت کی۔

ذکا اشرف نے عالمگیر ترین مرحوم کے بلند درجات کے لئے دعا کی جب کہ اس موقع پر علی خان ترین اور عون چوہدری بھی موجود تھے۔

پی سی بی کے عہدیداران سلمان نصیر، برگیڈیئر (ر) ساجد، نائلہ بھٹی، ذاکر خان، جنید ضیاء اور عمر فاروق بھی ذکا اشرف کے ہمراہ تھے۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں