پاکستان نے افغانستان کے خلاف پہلا ون ڈے میچ 142 رنز سے اپنے نام کرلیا ہے۔

پاکستان اور افغانستان کی ٹیموں کے درمیان تین ون ڈے میچز پر مشتمل سیریز جاری ہے جس کا پہلا ون ڈے آج ہمبنٹونا میں کھیلا گیا جو پاکستان کے نام رہا۔

اس میچ میں پاکستان نے ٹاس جیت پر پہلے بیٹنگ کا فیصلہ کیا اور افغانستان کو جیت کے لیے 202 رنز کا ہدف دیا، جواب میں افغان ٹیم صرف 59 رنز پر ڈھیر ہوگئی۔

پاکستان کی بیٹنگ

پاکستان کی جانب سے سب سے زیادہ 61 رنز امام الحق نے اسکور کیے جب کہ کپتان بابر اعظم صفر رنز پر پویلین لوٹ گئے۔

اسی طرح محمد رضوان 21، افتخار احمد 30، فخر زمان 2، سلمان علی آغا 7، اسامہ میر اور شاہین آفریدی 2 اور حارث رؤف 1 رنز بناکر آؤٹ ہوئے جب کہ شاداب خان 39 بناکر رن آؤٹ ہوئے اور نسیم شاہ 18 رنز بناکر ناٹ آؤٹ رہے۔

افغانستان کی جانب سے مجیب الرحمان نے 3 کھلاڑیوں کو آؤٹ کیا، محمد نبی اور راشد خان نے 2،2 وکٹیں حاصل کیں۔ فضل الحق فاروقی اور رحمت شاہ ایک ایک وکٹ لینے میں کامیاب رہے۔

افغانستان کی بیٹنگ

ہدف کے تعاقب میں پاکستانی بولرز کی تباہ کن بولنگ کے سامنے افغانستان کی بیٹنگ لائن ریت کی دیوار ثابت ہوئی اور پوری ٹیم 19.2 اوورز میں محض 59 رنز پر پویلین لوٹ گئی۔

افغانستان کی جانب سے وکٹ کیپر رحمان اللہ گرباز نے سب سے زیادہ 18 رنز اسکور کیے جب کہ عظمت اللہ عمر زئی 16 رنز بناکر ریٹائرڈ آؤٹ ہوئے۔

علاوہ ازیں افغان ٹیم کو کوئی بھی بلے باز زیادہ رنز بنانے میں ناکام رہا، پاکستان کی جانب سے حارث رؤف نے تباہ کن بولنگ کرکے 5 کھلاڑیوں کے آؤٹ کیا۔ شاہین آفریدی 2، نسیم شاہ اور شاداب خان نے ایک ایک وکٹ حاصل کی۔

پاکستان اسکواڈ:

بابر اعظم (کپتان)، امام الحق، فخرزمان، محمد رضوان، افتخار احمد، سلمان علی آغا، شاداب خان، اسامہ میر، شاہین شاہ آفریدی، نسیم شاہ اور حارث رؤف۔

افغانستان اسکواڈ:

حشمت اللہ شاہدی (کپتان)، رحمان اللہ گرباز، ابراہیم زادران، رحمت شاہ ، محمد نبی، راشد خان، مجیب الرحمان فاروقی، عمر زئی، عبدل اور اکرام علی۔

حالات حاضرہ سے باخبر رہنا چاہتے ہیں تو ہمارے فیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں