ملتان: قومی کرکٹر افتخار احمد نے نیپال کے خلاف پہلی سنچری اسکور کرلی ہے۔

ایشیاکپ 2023 کا آغاز آج سے ہوگیا ہے جس کے افتتاحی میچ میں پاکستان اور نیپال کی ٹیمیں مدمقابل تھیں۔

پاکستان نے ٹاس جیت کر پہلے بیٹنگ کرنے کا فیصلہ کیا جو درست ثابت ہوا جب کہ قومی ٹیم نے 343 رنز ہدف کے تعاقب میں نیپال کو صرف 104 رنز پر ڈھیر کردیا اور 238 رنز سے کامیابی اپنے نام کی۔

اس میچ میں قومی کھلاڑی افتخار احمد نے جارحانہ بیٹنگ کا مظاہرہ کرتے ہوئے 11 چوکوں اور 4 چھکوں کی مدد سے 109 رنز کی ناٹ آؤٹ اننگز کھیلی۔

میچ کے اختتام پر میڈٰیا سے بات کرتے ہوئے افتخار احمد کا کہنا تھا کہ اللہ پاک کا شکر ادا کرتا ہوں کہ پہلی سنچری مکمل کی۔

انہوں نے کہا کہ ہمارے لیے ہر میچ اہم ہوتا ہے، بھارت کے خلاف میچ میں بھی رزلٹ اچھا ہوگا اور کوشش کریں گے بھارت کے خلاف اپنا سو فیصد دیں۔

ان کا کہنا تھا کہ پہلے میں کھیلنے کے لیے آیا تو مجھے بہت مشکل لگ رہا تھا لیکن بعد میں مومنٹم بنتا گیا۔

انہوں نے مزید کہا کہ بابر اور رضوان میچ کو بہت ڈیپ لیکر جاتے ہیں، ہر میچ کے لیے خود کو تیار کرنا ہے جب کہ نیپال کی ٹیم بہت اچھی ہے۔

واضح رہے کہ ایشیاکپ 2023 میں پاکستان کا اگلا میچ بھارت کے خلاف ہوگا جو 2 ستمبر کو کھیلا جائے گا۔

حالات حاضرہ سے باخبر رہنا چاہتے ہیں تو ہمارے فیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں