
ورلڈ اسنوکر چیمپئن احسن رمضان وہاب ریاض کے گلے لگ کر روپڑے
ورلڈ اسنوکر چیمپئن احسن رمضان کے ساتھ لاہور پولیس کی بدتمیزی کے بعد مشیر کھیل پنجاب وہاب ریاض ان کے گھر پہنچ گئے ہیں۔
مشیر کھیل پنجاب وہاب ریاض، صوبائی وزیر اطلاعات عامر میر، سی سی پی او لاہور بلال صدیق کمیانہ اور کمشنر لاہور علی رندھاوا احسن رمضان کے گھر پہنچ گئے ہیں۔
احسن رمضان وہاب ریاض کے گلے لگ کر رو پڑے اور کہا کہ ’’سر میرے ساتھ پولیس نے بہت زیادتی کی‘‘،
یہ بھی پڑھیں: ورلڈ اسنوکر چیمپئین احسن رمضان کو لاہور سے گرفتار کرلیا گیا
ملاقات میں پنجاب حکومت کے اعلیٰ حکام نے الٹا احسن رمضان پر چڑھائی کردی جب کہ صوبائی وزراء نے کہا کہ حکومت نے انرجی بچت کے لیے مارکیٹیں رات 10 بجے بند کرنے کا حکم دے رکھا ہے۔
حکومتی وفد نے کہا کہ ہم کسی کو رات 10 بجے کے بعد اسنوکر کلب کھولنے کی اجازت نہیں دے سکتے، جس پر احسن رمضان نے سوال کیا کہ ’’پھر مجھے بتائیں میں کہاں کیسے ٹرینینگ کروں؟‘‘
احسن رمضان کے سوال پر کمشنر لاہور نے وعدہ کیا کہ آپ کے لیے ایل ڈی اے اسپورٹس کمپلیکس میں اعلیٰ معیار کی ٹیبل لگا دیتے ہیں۔
صوبائی وزیر اطلاعات عامر میر نے کہا کہ پولیس کی بد سلوکی پر انکوائری کمیٹی بنا دی ہے، دو دن میں رپورٹ آجائے گی جب کہ سی سی پی او لاہور کا کہنا تھا کہ ہم حکومت کے حکم کے پابندی ہیں۔
احسن رمضان نے سوال کرتے ہوئے مزید کہا کہ ’’اگر بابر اعظم رات 10 بجے کے بعد قذافی اسٹیڈیم میں ٹریننگ کر رہا ہو تو لائٹس آف کردی جائیں گی؟ جس پر وہاب ریاض نے فوری جواب دیتے ہوئے کہا کہ کرکٹ کیمپ پوری پلاننگ کے ساتھ لگتے ہیں۔
احسن رمضان کو کل کمشنر لاہور نے اپنے دفتر میں بلا لیا ہے۔
اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.facebook.com/BOLUrduNews/ کو لائک کریں
ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں
پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں اور بیل آئیکن پر کلک کریں
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News