سابق کپتان شاہد خان آفریدی نے گلوبل ٹی ٹوئنٹی کینیڈا لیگ میں اپنی بولنگ سے تباہی مچادی ہے۔

قومی ٹیم کے سابق کپتان شاہد آفریدی ان دنوں گلوبل ٹی ٹوئنٹی کینیڈا لیگ کھیل رہے ہیں جس میں وہ ٹورنٹو نیشنلز کی نمائندگی کررہے ہیں۔

بدھ کو ٹورنٹو نیشنلز کا سنسنی خیز مقابلہ وینکوور نائٹس سے ہوا جس میں شاہد آفریدی نے اپنی بولنگ سے مخالف ٹیم کے چھکے چھڑا دیے۔

سابق کپتان نے وینکوور نائٹس کے ٹاپ ٹی ٹوئنٹی بلے بازوں کو آؤٹ کرکے دو اہم وکٹیں اپنے نام کی، انہوں نے 27 رنز پر محمد رضوان اور کپتان راسی وین ڈیر ڈوسن کو صرف 2 رنز پر آؤٹ کیا۔

شاہد آفریدی کی تباہ کن بولنگ کی بدولت وینکوور نائٹس مشکلات کا شکار رہی اور اپنی اننگز میں 7 وکٹیں گنواکر محض 128 رنز ہی اسکور کرسکی۔

دوسری جانب شاہد آفریدی بیٹنگ میں ناکام رہے اور صرف 8 رنز بناکر پویلین لوٹ گئے، بدقسمتی سے ٹورنٹو نیشنلز کے لیے ان کی وکٹ ایک دھچکا ثابت ہوئی جس کے بعد ان کی وکٹیں مسلسل گرتی رہیں۔

ہدف کے تعاقب میں ٹورنٹو نیشنلز کی پوری ٹیم 15.5 اوورز میں صرف 103 رنز ہی اسکور کرسکی اور انہیں 25 رنز سے شکست کا سامنا کرنا پڑا۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں