برازیلین فٹبالر نیمار جونیئر نے سعودی کلب الہلال سے دو سال کا معاہدہ کرلیا ہے۔

غیر ملکی خبر رساں ادارے کی رپورٹ کے مطابق پیرس سینٹ جرمین (پی ایس جی) نے برازیلین فارورڈ پلیئر نیمار جونیئر کی فروخت کے لیے سعودی پرو لیگ الہلال کے ساتھ معاہدے پر اتفاق کرلیا ہے جب کہ یہ معاہدہ کھلاڑی کے میڈیکل سے مشروط ہے۔

نیمار جونیئر نے 2017 میں ہسپانوی کلب بارسلونا سے 222 ملین یورو میں پیرس سینٹ جرمین میں شمولیت اختیار کی تھی جب کہ پیرس سینٹ جرمین کے ساتھ 2025 تک معاہدہ طے تھا۔

ای ایس پی این کی رپورٹ کے مطابق برازیل کے ٹاپ اسکورر کھلاڑی نے الہلال کلب کے ساتھ ذاتی شرائط پر اتفاق کرلیا ہے اور اب وہ دو سال کے لیے الہلال کلب میں شامل ہوگئے ہیں۔

نیمار جونیئر ساتھی کھلاڑٰی کالیڈو کولیبالی، روبین نیوس اور سرج ملنکوویچ ساویچ کے ساتھ کلب کو جوائن کریں گے جب کہ یہ کھلاڑی موسم گرما کے شروع میں کلب میں شامل ہوئے تھے۔

واضح رہے کہ اس سے قبل نیمار جونیئر نے پیرس سینٹ جرمین سے اپنی راہیں جدا کرنے کا عندیہ دیا تھا جس کی ایک اہم وجہ دونوں کے درمیان اختلافات تھے۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں