سابق بھارتی کھلاڑی دنیش کارتک نے پاکستان کے فاسٹ بولر حارث رؤف کو وائٹ بال کرکٹ میں دنیا کا بہترین بولر قرار دے دیا ہے۔

بھارت کے سابق وکٹ کیپر و بلے باز دنیش کارتک نے پاکستان کے فاسٹ بولر حارث رؤف کو ’’وائٹ بال کرکٹ میں دنیا کے بہترین بولروں میں سے ایک‘‘ قرار دیا ہے۔

سابق بھارتی کرکٹر اور کمنٹیٹر نے حارث رؤف کے ٹینس بال کرکٹ سے بین الاقوامی کرکٹ میں کامیابی تک کے سفر کی تعریف کی۔

انہوں نے کہا کہ ’’حارث رؤف دنیا کے بہترین وائٹ بال بالرز میں سے ایک ہیں، خاص طور پر آخری کے اوورز میں‘‘۔

انہوں نے کہا کہ ’’ان کی کہانی کچھ سال پہلے ٹینس بال کرکٹ کھیلنے سے شروع ہوئی اور پھر وہ لاہور قلندرز کی طرف کا حصہ بنے، بعد ازاں انہوں نے بین الاقوامی کرکٹ میں بھی اچھی کارکردگی کا مظاہرہ کیا‘‘۔

واضح رہے کہ حارث رؤف ان دنوں دی ہنڈریڈز مینز 2023 میں ویلش فائر کی نمائندگی کررہے ہیں جب کہ ٹورنامنٹ میں وہ اپنے غیر معمولی آغاز کے ساتھ تین وکٹیں حاصل کرکے دوسرے سب سے زیادہ وکٹیں لینے والے بولر ہیں۔

یاد رہے کہ اس سے قبل انگلینڈ کے سابق لیجنڈری فاسٹ بولر اسٹورٹ براڈ نے پاکستان کے فاسٹ بولر شاہین شاہ آفریدی کی تعریف کرتے ہوئے انہیں دنیا کا بہترین بولر قرار دیا تھا۔

 انہوں نے کہا تھا کہ شاہین شاہ آفریدی میرے پسندیدہ بولرز میں سے ایک ہیں اور ان کی بولنگ کو دیکھ کر میں لطف اندوز ہوتا ہوں۔

انہوں نے مزید کہا تھا کہ ابتدائی اوورز میں شاہین آفریدی کی دائیں ہاتھ کے بلے بازوں کو اِن سوئنگ ڈلیوریز دیکھنے سے تعلق رکھتی ہیں۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں