افغان کھلاڑی رحمان اللہ گرباز نے پاکستان ٹیم کے کپتان بابر اعظم کو لیجنڈ قرار دے دیا ہے۔

افغانستان کرکٹ ٹیم کے اوپننگ بلے باز رحمان اللہ گرباز نے پاکستان کرکٹ ٹیم کے کپتان بابر اعظم کے حوالے سے اپنے خیالات کا اظہار کرتے ہوئے کہا کہ وہ ان کا بہت احترام کرتے ہیں۔

افغان کھلاڑی نے انکشاف کیا کہ ان کے چھوٹے بھائی بابر اعظم کو کرکٹ کا ہیرو قرار دیتے ہیں جب کہ انہوں نے بار بار بابر اعظم سے ملاقات کی خواہش کا اظہار کیا ہے۔

انہوں نے بتایا کہ ’’میرا بھائی مجھ سے ہمیشہ بابر اعظم کے حوالے سے بات کرتا ہے اور مجھ سے کہتا ہے کہ بابر اعظم کی ایک ٹی شرٹ میرے لیے لے لو جس پر میں نے انہیں اطمینان دلوایا ہے‘‘۔

ان کا کہنا تھا کہ ’’میرا بھائی اچھی کرکٹ کھیلتا ہے اور یہی وجہ ہے کہ وہ بابر اعظم کو پسند کرتا ہے اور انہیں اپنا پسندیدہ کھلاڑی قرار دیتا ہے‘‘۔

انہوں نے کہا کہ بابر اعظم کرکٹ کی دنیا میں ابھرتے ہوئے ٹیلنٹ کے لیے ایک متاثر کن شخصیت ہیں اور نوجوان کھلاڑی انہیں سب سے زیادہ پسند کرتے ہیں۔

انہوں نے مزید کہا کہ بابر اعظم خاص طور پر میرے بھی پسندیدہ کھلاڑی ہیں اور ان کی شاندار بلے بازی کو دیکھتے ہوئے میں کہہ سکتا ہوں کہ وہ اس وقت ایک لیجنڈ ہیں۔

واضح رہے کہ قومی ٹیم کے کپتان بابر اعظم ان دنوں لنکا پریمیئر لیگ 2023 کھیل رہے ہیں جس میں وہ کولمبو اسٹرائیکرز کی نمائندگی کررہے ہیں۔

بابر اعظم لنکا پریمیئر لیگ میں بھی سب سے زیادہ رنز بنانے والے کھلاڑی بن گئے ہیں جب کہ انہوں نے پانچ میچز میں 47.00 کی متاثر کن اوسط اور 143.29 کے شاندار اسٹرائیک ریٹ کے ساتھ 235 رنز بنائے ہیں۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں