لاہور: پاکستان کرکٹ بورڈ (پی سی بی) نے ایشین کرکٹ کونسل کے تمام رکن ممالک کو دعوت نامے بھجوادیے ہیں۔

پاکستان کرکٹ بورڈ کی جانب سے ایشیاکپ 2023 کے میچز کے لیے مہمانوں کو دعوت نامے بھجوادیے گئے ہیں۔

ذرائع کے مطابق پی سی بی نے ایشین کرکٹ کونسل کے تمام رکن ممالک کو دعوت نامے بھجوائے ہیں جب کہ آئی سی سی کے چیئرمین، نائب چیئرمین، چیف ایگزیکٹو اور جی ایم کرکٹ کو بھی دعوت نامے بھجوائے گئے ہیں۔

ذرائع کا کہنا ہے کہ آئی سی سی رکن ممالک کو بھی میچز دیکھنے کے لیے دعوت دی گئی ہے جب کہ بھارتی بورڈ کے صدر راجر بنی اور نائب صدر راجیو شکلا کو بھی دعوت دی گئی ہے۔

ذرائع کا مزید کہنا تھا کہ راجر بنی اور راجیو شکلا کا ایشیاکپ کے دوران پاکستان آنے کا امکان ہے، علاوہ ازیں اے سی سی کے صدر اور سیکریٹری بھارتی بورڈ جے شاہ کو بھی دعوت نامہ بھیجا گیا ہے۔

واضح رہے کہ پاکستان کی میزبانی میں ایشیاکپ 2023 کا آغاز 30 اگست سے ہونے جارہا ہے جس کے میچز پاکستان اور سری لنکا میں کھیلے جائیں گے۔

ایونٹ کا افتتاحی میچ ملتان میں پاکستان اور نیپال کی ٹیموں کے درمیان کھیلا جائے گا جب کہ پاک بھارت ٹاکرا 2 ستمبر کو کینیڈی میں ہوگا۔

حالات حاضرہ سے باخبر رہنا چاہتے ہیں تو ہمارے فیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں