ایشیاکپ کے آغاز کے ساتھ ہی بابر اعظم نے ایک اور ریکارڈ اپنے نام کرلیا

ویب ڈیسک

30th Aug, 2023. 06:49 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

ایشیاکپ کے آغاز کے ساتھ ہی بابر اعظم نے ایک اور ریکارڈ اپنے نام کرلیا

ملتان: قومی ٹیم کے کپتان بابر اعظم ملتان کرکٹ اسٹیڈیم میں سب سے زیادہ رنز بنانے والے کھلاڑی بن گئے ہیں۔

ایشیاکپ 2023 کا آغاز ہوگیا ہے جس میں آج میزبان ٹیم پاکستان کا مقابلہ نیپال سے جاری ہے جب کہ پاکستان نے ٹاس جیت کر بیٹنگ کرنے کا فیصلہ کیا۔

یہ بھی پڑھیں: بابر اعظم نے ون ڈے کرکٹ میں ایک اور ریکارڈ قائم کردیا

پاکستان نے پہلے بیٹنگ کرتے ہوئے مقررہ 50 اوورز میں 6 وکٹوں کے نقصان پر 342 رنز کا ہدف دیا ہے جب کہ کپتان بابر اعظم نے اس میچ میں عمدہ بیٹنگ کا مظاہرہ کیا۔

بابر اعظم نے اس میچ میں 151 رنز کی اننگز کھیلی جس کے بعد وہ ون ڈے فارمیٹ میں ملتان اسٹیڈیم میں سب سے زیادہ رنز اسکور کرنے والے کھلاڑی بن گئے ہیں۔

اس سے قبل ویسٹ انڈیز کے شائے ہاپ ملتان اسٹیڈیم میں 127 رنز بناکر سر فہرست تھے۔

یہ بھی پڑھیں: بابر اعظم ایشیاکپ جیتنے کے لیے پر امید

علاوہ ازیں اس میچ میں افتخار احمد نے بھی بہترین کارکردگی کا مظاہرہ کیا اور 109 رنز کی ناٹ آؤٹ اننگز کھیلی جب کہ انہوں نے 11 چوکے اور 4 چھکے لگائے۔

واضح رہے کہ ایشیاکپ کے گروپ اسٹیج میں پاکستان ٹیم کا اگلا میچ 2 ستمبر کو روایتی حریف بھارت سے ہوگا۔

حالات حاضرہ سے باخبر رہنا چاہتے ہیں تو ہمارے فیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں اور بیل آئیکن پر کلک کریں