سری لنکا نے ورلڈکپ 2023 کے لیے 15 رکنی اسکواڈ کا اعلان کردیا۔

سری لنکا نے 5 اکتوبر سے بھارت میں شروع ہونے والے آئی سی سی مینز کرکٹ ورلڈکپ 2023 کے لیے 15 رکنی اسکواڈ کا اعلان کردیا ہے۔

اسکواڈ میں سری لنکا کے اہم اسپنر وینندو ہسارنگا کو انجری کے باعث شامل نہیں کیا گیا ہے جو کہ ان کے لیے ایک بہت بڑا دھچکا ہے۔

وینندو ہسارنگا اپنی چوٹ کے باعث ایشیاکپ 2023 بھی نہیں کھیل سکے تھے جب کہ وہ گزشتہ ماہ لنکا پریمیئر لیگ کے دوران انجری کا شکار ہوئے تھے۔

سری لنکن کھلاڑی لیگ میں 279 رنز کے ساتھ ٹاپ اسکورر تھے جب کہ انہوں نے ٹورنامنٹ میں سب سے زیادہ 19 وکٹیں بھی حاصل کیں تھیں۔

اس سے قبل سری لنکن کرکٹ بورڈ نے ان کی ورلڈکپ میں شرکت کو یقینی بنانے کے لیے ہر ممکن کوشش کرنے کا بیان دیا تھا تاہم ساتھ ہی انہوں نے یہ بھی کہا تھا کہ اگر انہیں سرجری کی ضرورت ہوئی تو وہ تین ماہ تک کرکٹ نہیں کھیل سکیں گے۔

خیال رہے کہ جون اور جولائی میں ہونے والے ورلڈکپ کوالیفائر میں بھی وینندو ہسارنگا نے عمدہ کارکردگی کا مظاہرہ کرتے ہوئے اپنی ٹیم کو ورلڈ کپ کے لیے کوالیفائی کرنے میں اہم کردار ادا کیا تھا۔ انہوں نے 7 میچز میں متاثر کن 22 وکٹیں حاصل کیں تھیں۔

ورلڈکپ کے لیے سری لنکن اسکواڈ

کپتان داسن شناکا، کوشل مینڈس، کوسل پریرا، پاتھم نسانکا، دی متھ کرونارتنے، سدیرا سمارا وکرما، چارتھ اسالنکا اور دھننجایا ڈی سلوا شامل ہیں۔

https://twitter.com/OfficialSLC/status/1706628516266267002?ref_src=twsrc%5Etfw%7Ctwcamp%5Etweetembed%7Ctwterm%5E1706628516266267002%7Ctwgr%5Ef86a0a8edef6316fa961462e97d240b256061f31%7Ctwcon%5Es1_&ref_url=https%3A%2F%2Furdu.geo.tv%2Flatest%2F342042-

علاوہ ازیں دیگر اسکواڈ میں دشن ہیمنتھا، مہیش تھیکشنا، دونتھ ویلالاگے، کاسن راجیتھا، متھیشا پتھیرانا، لاہیرو کمارا اور دلشان مدوشنکا شامل ہیں۔

واضح رہے کہ ون ڈے ورلڈکپ کا آغاز 5 اکتوبر سے دفاعی چیمپئن انگلینڈ اور فائنلسٹ نیوزی لینڈ کے درمیان احمد آباد میں ہوگا جب کہ سری لنکن ٹیم ایونٹ میں اپنا پہلا میچ 7 اکتوبر کو جنوبی افریقہ کے خلاف کھیلے گی۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں