انگلینڈ نے ون ڈے انٹرنیشل کی اننگز کے پہلے اوور میں سب سے زیادہ رنز بنانے کا ریکارڈ برابر کردیا ہے۔

انگلش ٹیم کے اوپنر ول جیکس اور فل سالٹ نے آئرلینڈ کے خلاف برسٹل میں ہونے والے تیسرے ون ڈے میں جارحانہ کھیل پیش کرتے ہوئے اننگز کے پہلے اوور میں سب سے زیادہ رنز بنانے کا ریکارڈ برابر کردیا۔

فل سالٹ نے جارحانہ انداز میں میچ کی پہلی تین گیندوں پر لگاتار تین چوکے داغ کر 12 رنز بنائے اور چوتھی گیند پر چھکا جڑدیا۔

4️⃣4️⃣4️⃣6️⃣

Advertisement

Phil Salt's not hanging around, hitting 18 off the first four balls!#ENGvIRE #EnglandCricket pic.twitter.com/H1X5hOeEsj

— England Cricket (@englandcricket) September 26, 2023

آئرلینڈ کے بولر مارک ایڈیئر نے پہلے اوور میں 19 رنز دیے جس کے بعد انگلینڈ نے ون ڈے کرکٹ کے پہلے اوور میں سب سے زیادہ رنز بنانے کا عالمی ریکارڈ برابر کردیا۔

اس سے قبل جنوبی افریقہ کے بلے باز گریم اسمتھ نے جیمز اینڈرسن کی گیند پر 19 رنز بنائے تھے۔

ول جیکس اور فل سالٹ نے اس میچ میں عمدہ بیٹنگ کا مظاہرہ کیا اور چوتھے اوورز کے اختتام تک انگلینڈ نے 60، پونچویں اوور کے اختتام پر 66 جب کہ چھٹے اوور کے اختتام تک 84 رنز بنالیے تھے۔

کوئی بھی ٹیم ابھی تک پہلے پانچ یا چھ اوورز کے اختتام تک اس سے زیادہ اسکور نہیں بناسکی ہے  جب کہ اس میچ میں فل سالٹ نے 28 گیندوں پر 61 رنز کی اننگز کھیلی۔

واضح رہے کہ پہلے بیٹنگ کرتے ہوئے ول جیکس اور فل سالٹ کے درمیان 42 گیندوں پر87 رنز کی یہ اوپننگ شراکت ون ڈے کرکٹ کی تاریخ میں اب تک کی سب سے تیز ففٹی سے زائد کی اوپننگ شراکت ہے۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں