ایشیاکپ 2023 کا ہائی وولٹیج پاک بھارت میچ بارش کی نظر ہوکر بے نتیجہ ختم کردیا گیا ہے۔

ایشیاکپ 2023 کے تیسرے میچ میں آج پاکستان اور بھارت کی ٹیمیں پالی کیلے انٹرنیشنل کرکٹ اسٹیڈیم میں مدمقابل تھیں جس کو بارش کے باعث ختم کردیا گیا ہے۔

میچ کو بے نتیجہ قرار دے کر دونوں ٹیموں کو ایک ایک پوائنٹ دے دیا گیا ہے جب کہ بھارت نے پہلے بیٹنگ کرتے ہوئے پاکستان کو جیت کے لیے 267 رنز کا ہدف دیا تھا۔

بھارتی کپتان روہت شرما نے ٹاس جیت کر پہلے بیٹنگ کا فیصلہ کیا، ابتداء میں پاکستانی بولرز نے جارحانہ بولنگ کرتے ہوئے بھارتی بلے بازوں کو پریشر میں رکھا جب کہ بھارت کی 4 وکٹیں 66 رنز پر ہی گرچکی تھیں۔

یاد رہے کہ بھارت نے ٹاس جیت کر پہلے بیٹنگ کرنے کا فیصلہ کیا تھا ۔

روہت شرما نے  ٹاس جیت کر بیٹنگ کا فیصلہ کرتے ہوئے کہا  تھا کہ موسم کا عمل دخل ہوسکتا ہے لیکن ہم اس بارے میں زیادہ نہیں سوچتے۔

بابر اعظم کا کہنا تھا کہ سچ تو یہ ہے کہ ہم بھی پہلے بیٹنگ کرنا چاہتے تھے۔ہم نے گزشتہ ایک ڈیڑھ ماہ میں یہاں کافی کرکٹ کھیلی ہےتو ہم یہاں کی کنڈیشنز سے واقف ہیں۔

پاکستان نے بھارت کے خلاف اہم میچ کے لیے اپنی پلیئنگ الیون کوئی تبدیلی نہیں کی ہے اور نیپال کے خلاف کھیلنے والی ٹیم ہی  برقرار رکھنے کا اعلان کیا تھا۔

پاکستان:

فخر زمان،امام الحق، بابر اعظم (کپتان)، محمد رضوان، آغا سلمان، افتخار احمد، شاداب خان، محمد نواز، نسیم شاہ، شاہین شاہ آفریدی ، حارث رؤف

بھارت:

روہت شرما (کپتان)، شبمان گل، ایشان کشن، ویرات کوہلی، شریاس ایئر، ہاردک پانڈیا، رویندرا جدیجا، شردول ٹھاکر، کلدیپ یادیو، محمد سراج، جسپریت بمراہ

دونوں ٹیمیں ون ڈے میچ میں 2019 کے ورلڈکپ کے 4 سال بعد اب مد مقابل آئی ہیں۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں