بنگلہ دیش ٹیم کے کپتان شکیب الحسن نے ریٹائرمنٹ کے حوالے سے لب کشائی کردی۔

بنگلہ دیش کی ٹیم ورلڈ کپ کھیلنے کے لیے بھارت پہنچ چکی ہے جہاں شکیب الحسن الیون وارم اپ میچز انگلینڈ اور سری لنکا کے خلاف کھیلے گی۔

ورلڈ کپ میں بنگلہ دیش اپنا پہلا میچ 7 اکتوبر کو افغانستان کے خلاف کھیلے گی۔

ورلڈ کپ میں بنگلا دیش کرکٹ ٹیم کی قیادت شکیب الحسن کریں گے جبکہ اسکواڈ کے دیگر کھلاڑیوں میں مشفیق الرحیم، لٹن داس، نجم الحسین شنٹو، توحید ہردوئی، مہدی حسن میراز، تسکین احمد، مستفیض الرحمٰن، حسن محمود، شوریف الاسلام، نسم احمد، مہدی حسن، تنزید تمیم، تنظیم ثاقب اور محمود اللّٰہ شامل ہیں۔

تاہم شکیب الحسن کا کہنا ہے کہ وہ 2025 کی چیمپئنز ٹرافی کے بعد انٹرنیشنل کرکٹ کو خیرباد کہہ دیں گے اور 2024 ورلڈ کپ تک ٹی 20 کرکٹ کھیلنا جاری رکھیں گے۔

آل راؤنڈر نے کہا کہ ہوسکتا ہے کہ میں ایک ہی وقت میں تینوں فارمیٹس سے ریٹائر ہوجاؤں۔

واضح رہے کہ شکیب الحسن تینوں فارمیٹس کے کپتان رہ چکے ہیں لیکن وہ ابھی تک آئی سی سی کا کوئی ٹائٹل نہیں جیت سکے ہیں۔

شکیب الحسن نے تمام فارمیٹس میں 11 ہزار رنز بنا رکھے ہیں جبکہ ان کی وکٹوں کی تعداد 600 سے زائد ہے۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فالو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں