آئی سی سی مینز ورلڈ کپ 2023 کے لیے قومی اسکواڈ فائنل کرلیا گیا ہے جن میں شامل ممکنہ کھلاڑیوں کے نام بول نیوز نے حاصل کرلیے۔

ذرائع کے مطابق ورلڈ کپ کے لیے ایشیاکپ کے اسکواڈ میں صرف ایک تبدیلی کا فیصلہ ہوا ہے اور فاسٹ بولر نسیم شاہ کی جگہ حسن علی اسکواڈ کا حصہ ہوں گے۔

یہ بھی پڑھیں: ایشیاکپ سے سیکھنے کو ملا جو ورلڈ کپ کی تیاری میں مددگار ثابت ہوگا، ذکاء اشرف

ذرائع کا کہنا ہے کہ آل راؤنڈر فہیم اشرف اور محمد حارث حتمی اسکواڈ میں جگہ نہیں بناسکے اور عبداللہ شفیق کی ورلڈ کپ اسکواڈ میں شمولیت یقینی ہوگئی ہے جب کہ مسٹری اسپنر ابرار احمد کو اسامہ میر پر ترجیح نہ دینے کا فیصلہ کیا گیا ہے۔

ذرائع نے بتایا کہ شاداب خان ورلڈ کپ میں نائب کپتان برقرار رہیں گے جس کی مںطوری ذکاء اشرف نے دے دی ہے۔

ممکنہ ورلڈ کپ اسکواڈ

ورلڈ کپ میں پاکستان کی قیادت بابر اعظم کریں گے جب کہ شاداب خان نائب کپتانی کے فرائض انجام دیں گے اور دیگر کھلاڑیوں میں فخر زمان، امام الحق، محمد رضوان، سلمان علی آغا، افتخار احمد، سعود شکیل، محمد نواز اور اسامہ شامل ہیں۔

علاوہ ازیں حارث رؤف، حسن علی، محمد وسیم جونیئر اور شاہین شاہ آفریدی کو اسکواڈ کا حصہ بنایا گیا ہے جب کہ زمان خان، ابرار احمد اور محمد حارث ٹریول ریزور پلیئر ہوں گے۔

واضح رہے کہ 5 اکتوبر سے بھارت میں شروع ہونے والے آئی سی سی مینز ورلڈ کپ 2023 کے لیے قومی اسکواڈ کا اعلان کل چیف سلیکٹر انضمام الحق صبح سوا 11 بجے کریں گے۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں