شاہین آفریدی نے بابر اعظم کے ساتھ تصویر شیئر کرتے ہوئے انہیں فیملی قرار دے دیا۔

ایشیاکپ 2023 کے دوران شاہین آفریدی اور بابر اعظم کے درمیان ڈریسنگ روم میں اختلافات کی افواہیں زیر گردش تھیں جس کے بعد شاہین آفریدی نے افواہوں کی تردید کرتے ہوئے کپتان کے ساتھ ایک تصویر شیئر کی ہے۔

family ❤️ pic.twitter.com/VjKAFOTIE5

— Shaheen Shah Afridi (@iShaheenAfridi) September 19, 2023

شاہین آفریدی نے سماجی رابطے کی سائٹ ایکس پر کپتان بابر اعظم کے ساتھ تصویر شیئر کی جس کے کیپشن میں انہوں نے ’فیملی‘ لکھا اور ساتھ ہی محبت کا اظہار کرتے ہوئے دل والا ایموجی بھی شیئر کیا۔

تصویر میں شاہین اور بابر اعظم کو ایک ساتھ پوز دیتے ہوئے دیکھا جاسکتا ہے جب کہ وہ ایک میز پر شطرنج بھی کھیل رہے ہیں۔

تصویر سامنے آنے کے بعد دونوں کھلاڑیوں کے درمیان اختلافات کی افواہوں نے دم توڑ دیا ہے جب کہ تصویر پر شائقین نے پسندیدگی کا اظہار کرتے ہوئے ان کی تعریف کی۔

خیال رہے کہ دونوں کھلاڑیوں کے درمیان اختلافات کی افواہیں اس وقت سامنے آئیں تھیں جب پاکستان کو اشیاکپ میں سری لنکا کے ہاتھوں آخری گیند پر شکست کا سامنا کرنا پڑا تھا۔

میڈیا رپورٹس کے مطابق میچ کے اختتام پر کپتان بابر اعظم ڈریسنگ روم میں سینئر کھلاڑیوں پر بھڑک اٹھے تھے جس پر شاہین آفریدی اور بابر اعظم کے درمیان گرما گرم بحث ہوئی تھی تاہم محمد رضوان نے صورت حال کو قابو میں کیا تھا۔

واضح رہے کہ قومی ٹیم کے مایہ ناز بولر شاہین آفریدی کی شادی سابق کپتان شاہد آفریدی کی بیٹی اشناء آفریدی کے ساتھ منگل کو کراچی میں ہوگی۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں