انگلینڈ اینڈ ویلز کرکٹ بورڈ (ای سی بی) عمر امین کے ساتھ ہونے والی غیر مناسب زبان کے استعمال کی تحقیقات کررہا ہے۔

غیر ملکی خبر رساں ادارے کی رپورٹ کے مطابق کاؤنٹی چیمپئن شپ میں سسیکس کے بولر ایری کارویلا نے میچ کے دوران لیسٹر شائر کی نمائندگی کرنے والے پاکستانی بلے باز عمر امین کے ساتھ غیر مناسب زبان کا استعمال کیا ہے۔

رپورٹ کے مطابق ایری کارویلا نے میچ کی دوسری اننگز میں عمر امین کے آؤٹ ہونے کے بعد غیر مناسب ریمارکس دیے تھے۔

انہوں نے کہا تھا کہ ’’یہ جس گاؤں سے آیا ہے وہاں واپس بھیج دو‘‘ جب کہ اس اننگز میں انہوں نے 185 گیندوں پر 94 رنز کی اننگز کھیلی تھی۔۔

انگلینڈ اینڈ ویلز کرکٹ بورڈ نے تصدیق کی ہے کہ وہ ان الزامات سے آگاہ ہیں اور تحقیقات جاری ہیں جب کہ تحقیقات مکمل ہونے کے بعد ای سی بی فیصلہ کرے گا کہ آیا ایری کارویلا کے خلاف کوئی تادیبی کارروائی کی جائے یا نہیں۔

واضح رہے کہ کاؤنٹی چیمپئن شپ میں عمر امین کو لیسٹر شائر نے سائن کیا تھا جب کہ وہ 30 میچز میں پاکستان کی نمائندگی کرچکے ہیں اور آخری مرتبہ انہوں نے 2018 میں پاکستان کی نمائندگی کی تھی۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں