سابق چیئرمین پی سی بی رمیز راجہ نے قومی ٹیم کی مسلسل ناکامیوں پر تشویش کا اظہار کرتے ہوئے مفید مشورے دیے ہیں۔

کمنٹیٹر رمیز راجہ نے قومی ٹیم کو اپنی حکمت عملی تبدیل کرنے اور جارحانہ انداز اختیار کرنے کا مشورہ دیا ہے۔

پہلے وارم اپ میچ میں قومی ٹیم کو نیوزی لینڈ کے خلاف 345 رنز بنانے کے باوجود شکست کا سامنا کرنا پڑا تھا۔ اس پر گفتگو کرتے ہوئے رمیز راجہ نے کہا کہ بھارت میں پاکستان کو دفاعی انداز ترک کرکے زیادہ رنز بنانے کی ضرورت ہے۔

انہوں نے کہا کہ ’’میں جانتا ہوں کہ یہ ایک پریکٹس میچ تھا لیکن جیت ایک جیت ہی ہوتی ہے اور جیتنا ایک عادت بن جاتا ہے لیکن مجھے لگتا ہے کہ پاکستان کو اب ہارنے کی عادت پڑ گئی ہے‘‘۔

رمیز راجہ کہتے ہیں کہ ’’پاکستان پہلے ایشیاکپ میں ہارا اور اب یہاں، حالانکہ 345 رنز ایک اچھا ہدف تھا لیکن بھارت میں آپ کو ایسی پچز ہی ملیں گی اور اگر آپ کی بولنگ ایسی ہی رہی تو آپ کو 400 رنز تک اسکور کرنے ہوں گے‘‘۔

سابق کرکٹر کا مزید کہنا تھا کہ ’’ہمیں اس طرح نہیں کرنا ہے کہ پہلے ہم 10، 15 اوورز تک دفاعی انداز میں کھیلیں اور پھر تیز کھیلنا شروع کریں‘‘۔

واضح رہے کہ پاکستان اپنا دوسرا وارم اپ میچ آسٹریلیا کے خلاف 03 اکتوبر کو حیدرآباد میں کھیلے گا جب کہ ورلڈکپ کی مہم کا آغاز 6 اکتوبر کو نیدرلینڈز کے خلاف میچ سے ہوگا۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں