آئی سی سی مینز کرکٹ ورلڈکپ 2023 کے دوسرے وارم اپ میچ میں بھی پاکستان کو شکست کا سامنا کرنا پڑا ہے۔

پاکستان اور آسٹریلیا کی ٹیموں کے درمیان دوسرا وارم اپ میچ آج حیدر آباد میں کھیلا گیا جس میں قومی ٹیم کو 14 رنز سے شکست کا سامنا کرنا پڑا۔

آسٹریلیا کی بیٹنگ

آسٹریلیا نے ٹاس جیت کر پہلے بیٹنگ کا فیصلہ کیا جو فائدہ مند ثابت ہوا، مقررہ اوورز میں آسٹریلیا نے 7 وکٹوں کے نقصان پر 351 رنز اسکور کیے۔

گلین میکسویل نے سب سے زیادہ 77 رنز بنائے، ڈیوڈ وارنر اور جوش انگلس 48،48 رنز بناکر آٹ ہوئے، کیمرون گرین نے 50 رنز کی ناٹ آؤٹ اننگز کھیلی جب کہ مارنس لبوشین 40 رنز بناسکے۔

علاوہ ازیں مچل مارش 31، اسٹیو اسمتھ 27 اور ایلکس کیری 11 رنز بناکر پویلین لوٹ گئے جب کہ پاکستان کی جانب سے اسامہ میر 2، حارث رؤف، محمد وسیم، شاداب خان اور محمد نواز نے ایک ایک وکٹ حاصل کی۔

پاکستان کی بیٹنگ

ہدف کا تعاقب کرنے میں پاکستان کی بیٹنگ لائن ناکام رہی اور پوری ٹیم 47.4 اوورز میں 337 رنز پر ڈھیر ہوگئی۔

پاکستان کی جانب سے سب سے زیادہ رنز بابر اعظم نے بنائے جو 90 رنز پر ریٹائرڈ آؤٹ ہوئے جب کہ افتخار احمد نے جارحانہ انداز میں 83 رنز اسکور کیے۔

علاوہ ازیں محمد نواز 50، فخر زمان 22، امام الحق 16، عبداللہ شفیق 12، شاداب خان 9، آغا سلمان 10، اسامہ میر 15 اور حسن علی 16 رنز بناکر آؤٹ ہوئے۔

آسٹریلیا کی جانب سے مارنس لبوشین نے 3 کھلاڑیوں کو آؤٹ کیا جب کہ پیٹ کمنز اور مچل مارش نے 2،2 وکٹیں حاصل کیں۔ گلین میکسویل اور سین ایبڈ 1،1 وکٹ لینے میں کامیاب رہے۔

واضح رہے کہ پہلے وارم اپ میچ میں پاکستان کا مقابلہ نیوزی لینڈ سے ہوا تھا جس میں بھی پاکستان کو شکست کا سامنا کرنا پڑا تھا تاہم ورلڈکپ مہم کا آغاز 6 اکتوبر کو نیدرلینڈز کے خلاف میچ سے ہوگا۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں