قومی فاسٹ بولر نسیم  شاہ، احسان اللہ اور محمد حسنین کی انجری کے حوالے سے اہم خبر سامنے آگئی ہے۔

پاکستانی فاسٹ بولر احسان اللہ کہنی کی تکلیف میں مبتلا ہوگئے تھے جس کے بعد ان کی لاہور کے ایک نجی اسپتال میں سرجری ہوئی تھی۔

ستمبر کے پہلے ہفتے میں انگلینڈ سے ایک ڈاکٹر نے یہاں آکر احسان اللہ کی سرجری کی تھی جب کہ آپریشن کے بعد احسان اللہ کی کہنی کو چار ہفتے کے لیے براس کے ذریعے محفوظ رکھا گیا تھا۔

ڈاکٹر اور فزیو روزانہ انہیں دیکھ رہے ہیں اور ان کی حالت بہتر ہے جب کہ براس پانچویں ہفتے میں ہٹادیا جائے گا جس کے بعد وہ ری ہیبلیٹیشن کے لیے لاہور میں نیشنل کرکٹ اکیڈمی کو جوائن کریں گے۔

فاسٹ بولر محمد حسنین اگست میں سری لنکا پریمیئر لیگ کھیلتے ہوئے ٹخنے کی تکلیف میں مبتلا ہوگئے تھے جس کے بعد وہ سری لنکا سے انگلینڈ چلے گئے تھے۔

قومی بولر کا انگلینڈ میں ایم آر آئی کروایا گیا اور اسکین رپورٹ میں بتایا گیا کہ انہیں اپنے ٹخنے کی ری ہیبلیٹیشن کی ضرورت ہے جو 13 ستمبر سے انگلینڈ میں جاری ہے۔

دوسری جانب نسیم شاہ ایشیاکپ 2023 کے دوران انجرڈ ہونے کے بعد ورلڈ کپ سے باہر ہوگئے تھے۔ نسیم شاہ کے کندھے کی سرجری ہوئی ہے جس دوران ان کی حالت ٹھیک رہی جب کہ اگلے دن انہیں اسپتال سے جانے کی بھی اجازت مل گئی۔

نسیم شاہ کے پاس  ابتدائی طور پر ری ہیبلیٹیشن کے موقع پر دو فزیو تھراپسٹ موجود رہیں گے جو بعد میں جم اور گراؤنڈ میں بھی ان کے ساتھ ہوں گے۔ نسیم شاہ کی کنڈیشن کو مسلسل مانیٹر کیا جاتا رہے گا۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں