ورلڈکپ 2023 کے گروپ اسٹیج کے دوسرے میچ میں پاکستان کا مقابلہ سری لنکا سے ہوگا۔

آئی سی سی مینز کرکٹ ورلڈکپ 2023 کے گروپ اسٹیج میں پاکستان کا پہلا مقابلہ نیدرلینڈز سے ہوا جس میں قومی ٹیم نے 81 رنز سے کامیابی اپنے نام کی۔

گروپ اسٹیج کے دوسرے میچ میں پاکستان کا مقابلہ سری لنکا سے ہوگا جو کل بروز منگل حیدر آباد میں کھیلا جائے گا۔

ہیڈ کوچ بریڈ برن نے سری لنکا کے خلاف پاکستان کا خفیہ ہتھیار مکی آرتھر کو قرار دیا جو 2019 سے 2021 تک سری لنکن ٹیم کی کوچنگ کرچکے ہیں۔

ہیڈ کوچ نے صحافیوں کو بتایا کہ ’’ہمارے پاس ایک خفیہ ہتھیار ہے جو کہ مکی آرتھر ہیں اور وہ سری لنکن ٹیم کی کوچنگ بھی کرچکے ہیں‘‘۔

انہوں نے بتایا کہ ’’آج صبح ہم نے کچھ میٹنگز کی ہیں جس میں مکی آرتھر بھی شامل تھے اور انہوں نے کھلاڑیوں کو کچھ گُر سکھائے ہیں جو کہ میچ میں فائدہ مند ثابت ہوسکتے ہیں‘‘۔

دوسری جانب سری لنکن اسپنر مہیش تھیکشنا کا ہیمسٹرنگ کی انجری سے صحتیاب ہونے کے بعد منگل کو پاکستان کے خلاف کھیلنے کا امکان ہے۔

سری لنکا کے معاون کوچ نوید نواز نے بتایا کہ مہیش تھیکشنا گزشتہ ماہ ایشیاکپ کے دوران انجری کا شکار ہوئے تھے، میرے خیال میں اب وہ کھیلنے کے لیے دستیاب ہوں گے۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں