لاہور: پاکستان کرکٹ ٹیم کے چیف سلیکٹر انضمام الحق کھلاڑیوں کو گُر سکھانے کے لیے کل بھارت روانہ ہوں گے۔

پاکستان کرکٹ بورڈ (پی سی بی) کے ذرائع کے مطابق قومی ٹیم کے چیف سلیکٹر انضمام الحق کل لاہور سے بھارت کے شہر حیدرآباد کے لیے روانہ ہوں گے۔

ذرائع کا کہنا ہے کہ انضمام الحق قومی اسکواڈ سے ملاقات بھی کریں گے، علاوہ ازیں ٹیم مینجمنٹ سے بھی اہم ملاقات کریں گے۔

انہوں نے بتایا کہ انضمام الحق قومی ٹیم کے ورلڈ کپ میں کھیلنے سے متعلق پلان پر تفصیلی تبادلہ خیال کریں گے اور قومی ٹیم کو اپنے بھارت میں کھیلنے کے تجربات سے بھی آگاہ کریں گے۔

انضمام الحق ورلڈ کپ میں پلیئنگ الیون کو فائنل کرنے سے متعلق بھی کپتان اور مینجمنٹ سے مشاورت کریں گے۔

ذرائع نے مزید بتایا کہ ورلڈ کپ میں کیا اسٹریٹیجی اپنائی جائے کیسے ورلڈکپ میں بہترین پرفارمنس دی جائے، انضمام الحق ٹیم مینجمنٹ اور کپتان سے اہم بیٹھک بھی کریں گے۔

واضح رہے کہ چیف سلیکٹر انضمام الحق کا بھارت کا ویزہ قومی ٹیم کے ہمراہ ہی جاری کیا گیا تھا۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں