ورلڈکپ میں سری لنکا کو شکست دینے کے بعد افغانستان کی ٹیم پوائنٹس ٹیبل پر پاکستان سے بھی آگے آگئی۔

آئی سی سی مینز کرکٹ ورلڈکپ کا 30 واں میچ سری لنکا اور افغانستان کی ٹیموں کے درمیان کھیلا گیا جس میں افغانستان نے 7 وکٹوں سے کامیابی اپنے نام کی۔

ٹورنامںٹ میں افغانستان ٹیم 3 میچز جیتنے میں کامیاب رہی ہے جس کے بعد پوائنٹس ٹیبل پر ان کی پوزیشن مزید مستحکم ہوگئی ہے جب کہ وہ سیمی فائنل کی دوڑ میں بھی شامل ہوگئے ہیں۔

افغانستان کی فتح کا نقصان پاکستان کو ہوا ہے اور پاکستان ٹیم پوائنٹس ٹیبل پر ساتویں نمبر پر آگئی جب کہ رن ریٹ بہتر ہونے کے باعث سری لنکا کا چھٹا نمبر ہے۔

افغانستان ٹیم 6 پوائنٹس کے ساتھ پانچویں نمبر پر آگئی ہے جب کہ چوتھے نمبر پر آسٹریلیا، تیسرے پر نیوزی لینڈ، دوسرے نمبر پر جنوبی افریقہ اور میزبان ٹیم بھارت ناقابل شکست رہتے ہوئے پہلا نمبر پر براجمان ہے۔

واضح رہے کہ ورلڈکپ میں پاکستان کا اگلا مقابلہ کل بنگلادیش سے ہوگا جو کولکتہ کے ایڈن گارڈن میں کھیلا جائے گا۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں