ورلڈکپ کے 24 ویں میچ میں آسٹریلیا نے نیدرلینڈز کو 309 رنز سے شکست دے دی۔

آئی سی سی مینز کرکٹ ورلڈکپ کا 24 واں میچ آسٹریلیا اور نیدرلینڈز کی ٹیموں کے درمیان دہلی میں کھیلا گیا جس میں آسٹریلیا نے پہلے بیٹنگ کرتے ہوئے مقررہ اوورز میں 8 وکٹوں کے نقصان پر 400 رنز کا ہدف دیا۔

ہدف کے تعاقب میں کوئی بھی ڈچ بلے باز کینگروز کے سامنے نہیں جم سکا اور یکے بعد دیگرے وکٹیں گرتی رہیں اور پوری ٹیم 21 اوورز میں 90 رنز پر ڈھیر ہوگئی۔

میکس او ڈاؤڈ 6 اور وکرمجیت سنگھ 25 رنز بناکر آؤٹ ہوگئے جب کہ کولن ایکرمین 10 رنز اور سائبرینڈ اینجلبرچٹ 11 رنز، تیجا ندامانورو 14، لوگن وین بیک اور روئیلوف وین ڈیر مروے صفر پر آؤٹ ہوگئے۔

آسٹریلیا کی جانب سے ایڈم زیمپا نے 4، مچل مارش نے 2 جب کہ مچل اسٹارک، جوش ہیزل ووڈ اور پیٹ کمنز نے ایک، ایک وکٹ حاصل کی۔

اس سے قبل آسٹریلیا کی جانب سے گلین میکسویل نے جارحانہ اننگز کھیلتے ہوئے صرف 44 گیندوں پر 8 چھکوں اور 9 چوکوں کی مدد سے 104 رنز اسکور کیے۔

آسٹریلوی کھلاڑی نے صرف 40 گیندوں پر اپنی سنچری مکمل کی جس کے بعد وہ ورلڈکپ کی تاریخ میں تیز ترین سنچری اسکور کرنے والے کھلاڑی بن گئے ہیں۔

علاوہ ازیں آسٹریلیا کی جانب سے ڈیوڈ وانر نے 104 رنز کی اننگز کھیلی جس میں 11 چوکے اور 3 چھکے شامل تھے جب کہ اسٹیون اسمتھ 71 اور مارنس لبوشین 62 رنز بناکر آؤٹ ہوئے۔

نیدرلینڈز کی جانب سے لوگن وین بِیک نے 4، باس ڈی لیڈے نے 2 جب کہ آرین دت نے 1 وکٹ حاصل کی۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں