ویسٹ انڈیز ویمنز اے اور تھائی لینڈ ویمنز ایمرجنگ کرکٹ ٹیمیں سہ فریقی ٹی ٹوئنٹی سیریز کے لیے رواں ماہ پاکستان پہنچ رہی ہیں۔

ویسٹ انڈیز ویمنز اے ٹیم پاکستان ویمنز اے ٹیم کے خلاف تین ون ڈے میچوں کی سیریز کھیلے گی جب کہ تھائی لینڈ کی ایمرجنگ ٹیم اور ویسٹ انڈیز ویمنز اے پاکستان ویمنز اے کے ساتھ سہ فریقی ٹی ٹوئنٹی سیریز میں حصہ لیں گی۔

یہ تمام میچز لاہور میں کھیلے جائیں گے، ویسٹ انڈیز اے کی ٹیم 18 اکتوبر کو پاکستان پہنچے گی۔ اس کے دو میچز غنی انسٹی ٹیوٹ فار کرکٹ لاہور میں ہوں گے جب کہ آخری ون ڈے قذافی اسٹیڈیم لاہور میں کھیلا جائے گا۔

تھائی لینڈ ایمرجنگ ٹیم 28 اکتوبر کو پاکستان پہنچے گی، تھائی لینڈ ایمرجنگ، ویسٹ انڈیز اے اور پاکستان اے ٹیم کے درمیان سہ فریقی سیریز کےمیچز قذافی اسٹیڈیم لاہور میں کھیلے جائیں گے۔

تھائی لینڈ کی ایمرجنگ ٹیم پاکستان اے کے خلاف لاہور ہی میں دو ٹی ٹوئنٹی میچز کی سیریز بھی کھیلے گی۔

یہ پہلا موقع ہے کہ ویمنز ایمرجنگ اور اے ٹیمیں پاکستان کا دورہ کریں گی جب کہ پاکستان انڈر 19 ویمنز ٹیم آئندہ سال جنوری میں بنگلا دیش میں سہ فریقی ٹی ٹوئنٹی سیریز کھیلے گی جس میں تیسری ٹیم سری لنکا انڈر19 ٹیم ہوگی۔

دوسری جانب پاکستان کی سینئر ویمنز ٹیم اس سیزن میں آئی سی سی چیمپئن شپ کی پانچ سیریز میں حصہ لے رہی ہے جب کہ انہوں نے گزشتہ دنوں چین میں منعقدہ ایشین گیمز میں بھی حصہ لیا ہے۔

ویمنز کرکٹ کی سربراہ تانیہ ملک کا کہنا ہے کہ خواتین کرکٹ دنیا بھر میں تیزی سے بڑھ رہی ہے اور پاکستان کی خواتین ٹیم بھی اس سلسلے میں بہت زیادہ متحرک ہے۔

انہوں نے کہا کہ ہم نے حال ہی میں جنوبی افریقہ کی ٹیم کی میزبانی کی ہے اور اب ویسٹ انڈیز اور تھائی لینڈ کی خواتین ٹیموں کو خوش آمدید کہتے ہیں۔

ان کا کہنا تھا کہ یہ سیریز نہ صرف کھلاڑیوں کی مہارت میں اضافے کا سبب بنے گی اور ہماری زیادہ سے زیادہ لڑکیوں کو اپنے خواب کی تکمیل کے مواقع ملیں گے بلکہ خواتین کرکٹ کے ڈھانچے کے سلسلے میں ہونے والی کوششوں کی بھی حوصلہ افزائی ہوگی۔

https://twitter.com/TheRealPCB/status/1712453268792824026?ref_src=twsrc%5Etfw%7Ctwcamp%5Etweetembed%7Ctwterm%5E1712453268792824026%7Ctwgr%5E8f07857761ef7dd05c16843d589269a0d1c0d51e%7Ctwcon%5Es1_&ref_url=https%3A%2F%2Fa-sports.tv%2Fwest-indies-women-a-thailand-emerging-tour-pakistan%2F

واضح رہے کہ اس سیریز کے لیے پاکستان ایمرجنگ ٹیم کا اعلان بعد میں کیا جائے گا۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں