قومی بلے باز عبداللہ شفیق ورلڈکپ میں جنوبی افریقہ کے خلاف اگلا میچ جیتنے کے لیے پرامید ہیں۔

چنئی میں میڈیا سے گفتگو کرتے ہوئے قومی بلے باز عبداللہ شفیق کا کہنا تھا کہ ابھی ورلڈکپ ختم نہیں ہوا، ہمارے ابھی بھی چانسز ہیں اور تینوں شعبوں میں اچھا کھیل کر جنوبی افریقہ کو شکست دے سکتے ہیں۔

انہوں نے کہا کہ گزشتہ میچز میں ہماری فیلڈنگ کمزور رہی ہے اور اس کو ٹھیک کررہے ہیں، ابھی تک ہم اپنا بہترین کھیل نہیں دکھا سکے۔ جو میچ ہارے ہیں ان کو بھلا کر اب اگلے میچز پر فوکس ہے۔

ان کا کہنا تھا کہ یہ ورلڈ کپ ہے، افغانستان سمیت کسی بھی ٹیم کو ہلکا نہیں سمجھتے۔ افغانستان نے اس دن اچھی کرکٹ کھیلی، میں انفرادی کارکردگی کی بجائے ٹیم کی ضرورت پر توجہ دیتا ہوں۔

انہوں نے مزید کہا کہ اگلے تمام میچز پاکستان کے لیے انتہائی اہم ہیں اور ضروری نہیں ہے کہ چھکے ہی مار کر پاوور پلے کا فائدہ ملے، پہلے دس اوورز میں باؤنڈریز لگا کر بھی ٹارگٹ حاصل کیا جاسکتا ہے۔

واضح رہے کہ آئی سی سی مینز کرکٹ ورلڈکپ میں قومی ٹیم اب تک پانچ میچز کھیل چکی ہے جس میں تین میں شکست اور دو میں کامیابی حاصل ہوئی ہے جب کہ قومی ٹیم کے ابھی چار میچز باقی ہیں۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں