قومی ٹیم کے کپتان بابر اعظم ورلڈکپ میں ناقص بیٹنگ کرنے والے کپتانوں میں تیسرے نمبر پر آگئے۔

آئی سی سی مینز کرکٹ ورلڈکپ میں بابر اعظم کی ناکامیوں کا سلسلہ جاری ہے اور اب ان کی کپتانی کو لے کر بھی سوالات ساٹھنا شروع ہوگئے ہیں۔

ورلڈکپ کے ابتدائی 4 میچز میں بابر اعظم کی پرفارمنس بھی کافی مایوس کن رہی ہے جب کہ انہوں نے ورلڈکپ میں اب تک صرف 83 رنز ہی اسکور کیے ہیں۔

بابر اعظم نے ورلڈکپ کے پہلے میچ میں نیدرلینڈز کے خلاف صرف 5 رنز اسکور کیے تھے جب کہ دوسرے میچ میں سری لنکا کے خلاف وہ 10 رنز بناکر ہی پویلین لوٹ گئے تھے۔

اب تک کپتان نے صرف بھارت کے خلاف میچ میں سب سے زیادہ 50 رنز اسکور کیے ہیں جب کہ آسٹریلیا کے خلاف بھی وہ 18 رنز بناکر آؤٹ ہوگئے تھے۔

موجودہ ورلڈکپ میں کپتانوں کی بدترین بیٹنگ اوسط میں بابر اعظم کا 20.75 کی اوسط کے ساتھ تیسرا نمبر ہے جب کہ پہلے نمبر پر بنگلادیش کے کپتان شکیب الحسن 18.33 کی اوسط کے ساتھ موجود ہیں۔

علاوہ ازیں دوسرے نمبر پر 19.66 کی اوسط کے ساتھ جنوبی افریقہ کے ٹمبا بوؤما موجود ہیں جب کہ آسٹریلیا کے کپتان پیٹ کمنز کا 21.50 کی اوسط کے ساتھ چوتھا نمبر ہے۔

واضح رہے کہ آئی سی سی ورلڈکپ میں اگر کپتان بابر اعظم کی ناقص بیٹنگ کا سلسلہ اسی طرح جاری رہا تو ان کی نمبر ون کی پوزیشن بھی خطرے میں پڑسکتی ہے۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں