پاکستان اور جنوبی افریقہ کے درمیان ہونے والے ورلڈکپ میچز میں اب تک جنوبی افریقہ کا پلڑا بھاری ہے۔

پاکستان اور جنوبی افریقہ کی ٹیمیں اب تک ورلڈکپ میچز میں 5 مرتبہ مدمقابل رہ چکی ہیں جس میں 3 میچز جیت کر جنوبی افریقہ کا پلڑا بھاری ہے۔

پاکستان کو جنوبی افریقہ کے خلاف 2 میچز میں کامیابی حاصل ہوئی ہے جو کہ 2015 اور 2019 کے ورلڈکپ میچز میں ہوئیں تھیں۔

یہ بھی پڑھیں: پاکستان بمقابلہ آسٹریلیا؛ ورلڈکپ میچز میں کس کا پلڑا بھاری رہا؟

خیال رہے کہ ایک مرتبہ پھر پاکستان ٹیم ورلڈکپ 2023 میں جنوبی افریقہ کے مدمقابل ہوگی جب کہ دونوں ٹیموں کے درمیان میچ کل چنئی کے چدم برم اسٹیڈیم میں کھیلا جائے گا۔

قومی ٹیم ایونٹ میں اب تک 5 میچز کھیل کر 2 میں کامیاب اور 3 میں ناکام ہوئی ہے۔ پاکستان کو نیدرلینڈز اور سری لنکا کے خلاف فتوحات حاصل ہوئی ہیں جب کہ بھارت، آسٹریلیا اور افغانستان کے خلاف شکست کا سامنا کرنا پڑا ہے۔

دوسری جانب جنوبی افریقہ کی ٹیم کی فتوحات کا سلسلہ جاری ہے جب کہ جنوبی افریقہ پوائنٹس ٹیبل پر 5 میچز میں 4 فتوحات کے ساتھ دوسری پوزیشن پر موجود ہے۔

جنوبی افریقہ کو نیدرلینڈز کے خلاف اپ سیٹ شکست کا سامنا کرنا پڑا تھا جب کہ انہوں نے سری لنکا، آسٹریلیا، انگلینڈ اور بنگلادیش جیسی بڑی ٹیموں کو بڑے مارجن سے شکست دی ہے۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں